[857] Yassa dukkhasaccaṃ nuppajjittha tassa maggasaccaṃ nuppajjitthāti: natthi . yassa vā pana maggasaccaṃ nuppajjittha tassa dukkhasaccaṃ nuppajjitthāti: uppajjittha.

[858] Yassa samudayasaccaṃ nuppajjittha tassa maggasaccaṃ nuppajjitthāti: natthi . yassa vā pana maggasaccaṃ nuppajjittha tassa samudayasaccaṃ nuppajjitthāti: uppajjittha.

[859] Yattha dukkhasaccaṃ nuppajjittha .pe.

[860] Yassa yattha dukkhasaccaṃ nuppajjittha tassa tattha samudayasaccaṃ nuppajjitthāti: āmantā . yassa vā pana yattha samudayasaccaṃ nuppajjittha tassa tattha dukkhasaccaṃ nuppajjitthāti: suddhāvāsānaṃ dutiye citte vattamāne asaññasattānaṃ tesaṃ tattha samudayasaccaṃ nuppajjittha no ca tesaṃ tattha dukkhasaccaṃ nuppajjittha suddhāvāsaṃ upapajjantānaṃ Tesaṃ tattha samudayasaccañca nuppajjittha dukkhasaccañca nuppajjittha.