[865] Yassa samudayasaccaṃ uppajjissati tassa maggasaccaṃ uppajjissatīti: ye puthujjanā maggaṃ na paṭilabhissanti tesaṃ samudayasaccaṃ uppajjissati no ca tesaṃ maggasaccaṃ uppajjissati ye maggaṃ paṭilabhissanti tesaṃ samudayasaccañca uppajjissati maggasaccañca uppajjissati . yassa vā pana maggasaccaṃ uppajjissati tassa samudayasaccaṃ uppajjissatīti: yassa cittassa anantarā aggamaggaṃ paṭilabhissanti tesaṃ maggasaccaṃ uppajjissati no ca tesaṃ samudayasaccaṃ uppajjissati ye caññe maggaṃ paṭilabhissanti tesaṃ maggasaccañca uppajjissati samudayasaccañca uppajjissati.

[866] Yassa dukkhasaccaṃ uppajjissati .pe.

[867] Yassa yattha dukkhasaccaṃ uppajjissati tassa tattha samudayasaccaṃ uppajjissatīti: aggamaggasamaṅgīnaṃ arahantānaṃ yassa cittassa anantarā Aggamaggaṃ paṭilabhissanti asaññasattānaṃ tesaṃ tattha dukkhasaccaṃ uppajjissati no ca tesaṃ tattha samudayasaccaṃ uppajjissati itaresaṃ catuvokārānaṃ pañcavokārānaṃ tesaṃ tattha dukkhasaccañca uppajjissati samudayasaccañca uppajjissati . yassa vā pana yattha samudayasaccaṃ .pe. Āmantā.

[868] Yassa yattha dukkhasaccaṃ uppajjissati tassa tattha maggasaccaṃ uppajjissatīti: aggamaggasamaṅgīnaṃ arahantānaṃ ye ca puthujjanā maggaṃ na paṭilabhissanti āpāyikānaṃ asaññasattānaṃ tesaṃ tattha dukkhasaccaṃ uppajjissati no ca tesaṃ tattha maggasaccaṃ uppajjissati yassa cittassa anantarā aggamaggaṃ paṭilabhissanti ye caññe maggaṃ paṭilabhissanti tesaṃ tattha dukkhasaccañca uppajjissati maggasaccañca uppajjissati . yassa vā pana yattha maggasaccaṃ uppajjissati tassa tattha dukkhasaccaṃ uppajjissatīti: āmantā.