[75] Na saṅkhārā na khandhoti: saṅkhāre ṭhapetvā avasesā khandhā na saṅkhārā khandhā saṅkhāre ca khandhe ca ṭhapetvā avasesā na ceva saṅkhārā na ca khandhā. Na khandhā na saṅkhārakkhandhoti: āmantā.

[76] Na viññāṇaṃ na khandhoti: viññāṇaṃ ṭhapetvā avasesā khandhā na viññāṇaṃ khandhā viññāṇañca khandhe ca ṭhapetvā avasesā na ceva viññāṇaṃ na ca khandhā. Na khandhā na viññāṇakkhandhoti: āmantā. ---------