[987] Yassa samudayasaccaṃ nuppajjati tassa maggasaccaṃ na nirujjhatīti: maggassa bhaṅgakkhaṇe tesaṃ samudayasaccaṃ nuppajjati no ca tesaṃ maggasaccaṃ na nirujjhati taṇhāvippayuttacittassa uppādakkhaṇe maggavippayuttacittassa bhaṅgakkhaṇe nirodhasamāpannānaṃ asaññasattānaṃ tesaṃ samudayasaccañca nuppajjati maggasaccañca na nirujjhati . yassa Vā pana maggasaccaṃ na nirujjhati tassa samudayasaccaṃ nuppajjatīti: taṇhāya uppādakkhaṇe tesaṃ maggasaccaṃ na nirujjhati no ca tesaṃ samudayasaccaṃ nuppajjati taṇhāvippayuttacittassa uppādakkhaṇe maggavippayuttacittassa bhaṅgakkhaṇe nirodhasamāpannānaṃ asaññasattānaṃ tesaṃ maggasaccañca na nirujjhati samudayasaccañca nuppajjati.

[988] Yattha dukkhasaccaṃ nuppajjati .pe.

[989] Yassa yattha dukkhasaccaṃ nuppajjati .pe. yassakampi yassayatthakampi sadisaṃ . yassayatthakepi nirodhasamāpannānanti na kātabbaṃ. --------

[990] Yassa dukkhasaccaṃ nuppajjittha tassa samudayasaccaṃ nirujjhitthāti: āmantā . yassa vā pana samudayasaccaṃ .pe. āmantā . Atītā pucchā yathā uppādavāre vibhattā evaṃ uppādanirodhepi anulomampi paccaniyampi vibhajitabbaṃ. ---------