[999] Yattha dukkhasaccaṃ nuppajjissati .pe.

[1000] Yassa yattha dukkhasaccaṃ nuppajjissati . yassakampi yassayatthakampi sadisaṃ .pe. samudayasaccaṃ maggasaccaṃ . nānākaraṇaṃ: aggamaggassa bhaṅgakkhaṇe arahantānaṃ asaññasattānaṃ tesaṃ tattha maggasaccañca na nirujjhissati samudayasaccañca nuppajjissati. --------

[1001] Yassa dukkhasaccaṃ uppajjati tassa samudayasaccaṃ nirujjhitthāti: āmantā . yassa vā pana .pe. paccuppannenātītā pucchā uppādavārepi uppādanirodhavārepi yassakampi yatthakampi yassayatthakampi anulomampi paccaniyampi sadisaṃ. Asammohantena vibhajitabbaṃ. --------

[1002] Yassa dukkhasaccaṃ uppajjati tassa samudayasaccaṃ nirujjhissatīti: aggamaggassa uppādakkhaṇe arahantānaṃ cittassa uppādakkhaṇe yassa cittassa anantarā aggamaggaṃ paṭilabhissanti tassa cittassa uppādakkhaṇe tesaṃ dukkhasaccaṃ uppajjati no ca tesaṃ Samudayasaccaṃ nirujjhissati itaresaṃ upapajjantānaṃ pavatte cittassa uppādakkhaṇe tesaṃ dukkhasaccañca uppajjati samudayasaccañca nirujjhissati . yassa vā pana samudayasaccaṃ nirujjhissati tassa dukkhasaccaṃ uppajjatīti: sabbesaṃ cavantānaṃ pavatte cittassa bhaṅgakkhaṇe arūpe maggassa ca phalassa ca uppādakkhaṇe tesaṃ samudayasaccaṃ nirujjhissati no ca tesaṃ dukkhasaccaṃ uppajjati sabbesaṃ upapajjantānaṃ pavatte cittassa uppādakkhaṇe tesaṃ samudayasaccañca nirujjhissati dukkhasaccañca uppajjati.