[1456] Yo diṭṭhānusayaṃ na parijānāti so vicikicchānusayaṃ na parijānātīti: āmantā . yo vā pana vicikicchānusayaṃ na parijānāti so diṭṭhānusayaṃ na parijānātīti: āmantā .pe.

[1457] Yo vicikicchānusayaṃ na parijānāti so bhavarāgānusayaṃ .pe. Avijjānusayaṃ na parijānātīti: aggamaggasamaṅgī vicikicchānusayaṃ na parijānāti no ca avijjānusayaṃ na parijānāti aggamaggasamaṅgiñca aṭṭhamakañca ṭhapetvā avasesā puggalā vicikicchānusayañca na parijānanti avijjānusayañca na parijānanti . yo vā pana avijjānusayaṃ na parijānāti so vicikicchānusayaṃ na parijānātīti: aṭṭhamako avijjānusayaṃ na parijānāti no ca vicikicchānusayaṃ na parijānāti aggamaggasamaṅgiñca aṭṭhamakañca ṭhapetvā avasesā puggalā avijjānusayañca na parijānanti vicikicchānusayañca na parijānanti.

[1458] Yo bhavarāgānusayaṃ na parijānāti so avijjānusayaṃ na parijānātīti: āmantā . yo vā pana avijjānusayaṃ na parijānāti so bhavarāgānusayaṃ na parijānātīti: āmantā.

[1459] Yo kāmarāgānusayañca paṭighānusayañca na parijānāti so mānānusayaṃ na parijānātīti: aggamaggasamaṅgī kāmarāgānusayañca paṭighānusayañca na parijānāti no ca mānānusayaṃ na parijānāti dvinnaṃ Maggasamaṅgīnaṃ ṭhapetvā avasesā puggalā kāmarāgānusayañca paṭighānusayañca na parijānanti mānānusayañca na parijānanti . Yo vā pana mānānusayaṃ na parijānāti so kāmarāgānusayañca paṭighānusayañca na parijānātīti: anāgāmimaggasamaṅgī mānānusayaṃ na parijānāti no ca kāmarāgānusayañca paṭighānusayañca na parijānāti dvinnaṃ maggasamaṅgīnaṃ ṭhapetvā avasesā puggalā mānānusayañca na parijānanti kāmarāgānusayañca paṭighānusayañca na parijānanti. {1459.1} Yo kāmarāgānusayañca paṭighānusayañca na parijānāti so diṭṭhānusayaṃ .pe. vicikicchānusayaṃ na parijānātīti: aṭṭhamako kāmarāgānusayañca paṭighānusayañca na parijānāti no ca vicikicchānusayaṃ na parijānāti anāgāmimaggasamaṅgiñca aṭṭhamakañca ṭhapetvā avasesā puggalā kāmarāgānusayañca paṭighānusayañca na parijānanti vicikicchānusayañca na parijānanti . yo vā pana vicikicchānusayaṃ na parijānāti so kāmarāgānusayañca paṭighānusayañca na parijānātīti: anāgāmimaggasamaṅgī vicikicchānusayaṃ na parijānāti no ca kāmarāgānusayañca paṭighānusayañca na parijānāti anāgāmimaggasamaṅgiñca aṭṭhamakañca ṭhapetvā avasesā puggalā vicikicchānusayañca na parijānanti kāmarāgānusayañca paṭighānusayañca na parijānanti. {1459.2} Yo kāmarāgānusayañca paṭighānusayañca na parijānāti so bhavarāgānusayaṃ .pe. avijjānusayaṃ na parijānātīti: aggamaggasamaṅgī kāmarāgānusayañca paṭighānusayañca na parijānāti no ca Avijjānusayaṃ na parijānāti dvinnaṃ maggasamaṅgīnaṃ ṭhapetvā avasesā puggalā kāmarāgānusayañca paṭighānusayañca na parijānanti avijjānusayañca na parijānanti. Yo vā pana avijjānusayaṃ na parijānāti so kāmarāgānusayañca paṭighānusayañca na parijānātīti: anāgāmimaggasamaṅgī avijjānusayaṃ na parijānāti no ca kāmarāgānusayañca paṭighānusayañca na parijānāti dvinnaṃ maggasamaṅgīnaṃ ṭhapetvā avasesā puggalā avijjānusayañca na parijānanti kāmarāgānusayañca paṭighānusayañca na parijānanti.