[344] Yassa cakkhāyatanaṃ uppajjittha tassa ghānāyatanaṃ .pe. Rūpāyatanaṃ manāyatanaṃ dhammāyatanaṃ uppajjitthāti: āmantā . yassa vā pana dhammāyatanaṃ uppajjittha tassa cakkhāyatanaṃ uppajjitthāti: āmantā .pe.

[345] Yassa ghānāyatanaṃ .pe. rūpāyatanaṃ manāyatanaṃ uppajjittha tassa dhammāyatanaṃ uppajjitthāti: āmantā . yassa vā pana dhammāyatanaṃ uppajjittha tassa manāyatanaṃ uppajjitthāti: āmantā.

[346] Yattha cakkhāyatanaṃ uppajjittha .pe. (yatthakaṃ paccuppannepi atītepi anāgatepi paccuppannenātītepi paccuppannenānāgatepi atītenānāgatepi sabbattha sadisaṃ uppajjati uppajjitthāti nāmaṃ atirekaṃ kātabbaṃ).

[347] Yassa yattha cakkhāyatanaṃ uppajjittha tassa tattha sotāyatanaṃ uppajjitthāti: āmantā . yassa vā pana yattha sotāyatanaṃ uppajjittha tassa tattha cakkhāyatanaṃ uppajjitthāti: āmantā.