[40] Uppannaṃ uppajjamānaṃ uppajjamānaṃ uppannaṃ . Na uppannaṃ na uppajjamānaṃ na uppajjamānaṃ na uppannaṃ.

[41] Niruddhaṃ nirujjhamānaṃ nirujjhamānaṃ niruddhaṃ . na niruddhaṃ na nirujjhamānaṃ na nirujjhamānaṃ na niruddhaṃ.

[42] Yassa yaṃ cittaṃ uppajjamānaṃ khaṇaṃ khaṇaṃ vītikkantaṃ atikkantakālaṃ nirujjhamānaṃ khaṇaṃ khaṇaṃ vītikkantaṃ atikkantakālaṃ tassa taṃ cittaṃ yassa vā pana yaṃ cittaṃ nirujjhamānaṃ khaṇaṃ khaṇaṃ vītikkantaṃ atikkantakālaṃ uppajjamānaṃ khaṇaṃ khaṇaṃ vītikkantaṃ atikkantakālaṃ tassa taṃ cittaṃ . yassa yaṃ cittaṃ na uppajjamānaṃ khaṇaṃ khaṇaṃ vītikkantaṃ atikkantakālaṃ na nirujjhamānaṃ khaṇaṃ khaṇaṃ vītikkantaṃ atikkantakālaṃ tassa taṃ cittaṃ yassa vā pana yaṃ cittaṃ na nirujjhamānaṃ khaṇaṃ khaṇaṃ vītikkantaṃ atikkantakālaṃ na uppajjamānaṃ khaṇaṃ khaṇaṃ vītikkantaṃ atikkantakālaṃ tassa taṃ cittaṃ. Missakavāruddeso

[43] Yassa sarāgaṃ cittaṃ uppajjati yassa vītarāgaṃ cittaṃ uppajjati yassa sadosaṃ cittaṃ uppajjati yassa vītadosaṃ cittaṃ uppajjati yassa samohaṃ cittaṃ uppajjati yassa vītamohaṃ cittaṃ Uppajjati yassa saṅkhittaṃ cittaṃ uppajjati yassa vikkhittaṃ cittaṃ uppajjati yassa mahaggataṃ cittaṃ uppajjati yassa amahaggataṃ cittaṃ uppajjati yassa sauttaraṃ cittaṃ uppajjati yassa anuttaraṃ cittaṃ uppajjati yassa samāhitaṃ cittaṃ uppajjati yassa asamāhitaṃ cittaṃ uppajjati yassa vimuttaṃ cittaṃ uppajjati yassa avimuttaṃ cittaṃ uppajjati yassa kusalaṃ cittaṃ uppajjati yassa akusalaṃ cittaṃ uppajjati yassa abyākataṃ cittaṃ uppajjati yassa sukhāya vedanāya sampayuttaṃ cittaṃ uppajjati (etena upāyena yāva saraṇaaraṇā uddharitabbā) yassa araṇaṃ cittaṃ uppajjati na nirujjhati tassa araṇaṃ cittaṃ nirujjhissati na uppajjissati yassa vā pana araṇaṃ cittaṃ nirujjhissati na uppajjissati tassa araṇaṃ cittaṃ uppajjati na nirujjhati. Uddesavāraṃ niṭṭhitaṃ. ---------------