[402] Cakkhu cakkhundriyanti: dibbacakkhu paññācakkhu cakkhu Na cakkhundriyaṃ cakkhundriyaṃ cakkhu ceva cakkhundriyañca . indriyā anaññātaññassāmītindriyanti: anaññātaññassāmītindriyaṃ indriyañceva anaññātaññassāmītindriyañca avasesā indriyā indriyā na anaññātaññassāmītindriyaṃ . cakkhu cakkhundriyanti: dibbacakkhu paññācakkhu cakkhu na cakkhundriyaṃ cakkhundriyaṃ cakkhu ceva cakkhundriyañca . indriyā aññindriyanti: aññindriyaṃ indriyañceva aññindriyañca avasesā indriyā indriyā na aññindriyaṃ . Cakkhu cakkhundriyanti: dibbacakkhu paññācakkhu cakkhu na cakkhundriyaṃ cakkhundriyaṃ cakkhu ceva cakkhundriyañca . indriyā aññātāvindriyanti: aññātāvindriyaṃ indriyañceva aññātāvindriyañca avasesā indriyā indriyā na aññātāvindriyaṃ.

[403] Sotaṃ sotindriyanti: dibbasotaṃ taṇhāsotaṃ sotaṃ na sotindriyaṃ sotindriyaṃ sotañceva sotindriyañca . indriyā cakkhundriyanti: cakkhundriyaṃ indriyañceva cakkhundriyañca avasesā indriyā indriyā na cakkhundriyaṃ .pe. sotaṃ sotindriyanti: dibbasotaṃ taṇhāsotaṃ sotaṃ na sotindriyaṃ sotindriyaṃ sotañceva sotindriyañca. Indriyā aññātāvindriyanti: aññātāvindriyaṃ indriyañceva aññātāvindriyañca avasesā indriyā indriyā na aññātāvindriyaṃ.

[404] Ghānaṃ ghānindriyanti: āmantā. Indriyā cakkhundriyanti: Cakkhundriyaṃ indriyañceva cakkhundriyañca avasesā indriyā indriyā na cakkhundriyaṃ .pe. ghānaṃ ghānindriyanti: āmantā . Indriyā aññātāvindriyanti: aññātāvindriyaṃ indriyañceva aññātāvindriyañca avasesā indriyā indriyā na aññātāvindriyaṃ.

[405] Jivhā jivhindriyanti: āmantā . indriyā cakkhundriyanti: cakkhundriyaṃ indriyañceva cakkhundriyañca avasesā indriyā indriyā na cakkhundriyaṃ .pe. jivhā jivhindriyanti: āmantā . indriyā aññātāvindriyanti: aññātāvindriyaṃ indriyañceva aññātāvindriyañca avasesā indriyā indriyā na aññātāvindriyaṃ.