[438] Na aññaṃ na aññindriyanti: āmantā . na indriyā na cakkhundriyanti: āmantā .pe. na aññaṃ na aññindriyanti: āmantā. Na indriyā na aññātāvindriyanti: āmantā.

[439] Na aññātāvī na aññātāvindriyanti: āmantā . Na indriyā na cakkhundriyanti: āmantā .pe. na aññātāvī na aññātāvindriyanti: āmantā . na indriyā na aññindriyanti: āmantā. --------------

[440] Cakkhu indriyanti: āmantā . indriyā cakkhundriyanti: cakkhundriyaṃ indriyañceva cakkhundriyañca avasesā indriyā indriyā na cakkhundriyaṃ . sotaṃ indriyanti: yaṃ sotaṃ indriyaṃ taṃ sotañceva indriyañca avasesaṃ sotaṃ na indriyaṃ . indriyā sotindriyanti: sotindriyaṃ indriyañceva sotindriyañca avasesā indriyā indriyā na sotindriyaṃ . ghānaṃ indriyanti: āmantā . Indriyā ghānindriyanti: ghānindriyaṃ indriyañceva ghānindriyañca avasesā indriyā indriyā na ghānindriyaṃ . jivhā indriyanti: āmantā . indriyā jivhindriyanti: jivhindriyaṃ indriyañceva jivhindriyañca avasesā indriyā indriyā na jivhindriyaṃ . kāyo indriyanti: yo kāyo indriyaṃ so kāyo ceva indriyañca avasesā kāyo na indriyaṃ . indriyā kāyindriyanti: kāyindriyaṃ Indriyañceva kāyindriyañca avasesā indriyā indriyā na kāyindriyaṃ . mano indriyanti: āmantā . indriyā manindriyanti: manindriyaṃ indriyañceva manindriyañca avasesā indriyā indriyā na manindriyaṃ.

[441] Itthī indriyanti: no . indriyā itthindriyanti: itthindriyaṃ indriyañceva itthindriyañca avasesā indriyā indriyā na itthindriyaṃ . puriso indriyanti: no . indriyā purisindriyanti: purisindriyaṃ indriyañceva purisindriyañca avasesā indriyā indriyā na purisindriyaṃ . jīvitaṃ indriyanti: āmantā. Indriyā jīvitindriyanti: jīvitindriyaṃ indriyañceva jīvitindriyañca avasesā indriyā indriyā na jīvitindriyaṃ.