[442] Sukhaṃ indriyanti: āmantā . indriyā sukhindriyanti: sukhindriyaṃ indriyañceva sukhindriyañca avasesā indriyā indriyā na sukhindriyaṃ. Dukkhaṃ indriyanti: āmantā. Indriyā dukkhindriyanti: dukkhindriyaṃ indriyañceva dukkhindriyañca avasesā indriyā indriyā na dukkhindriyaṃ . somanassaṃ indriyanti: āmantā . Indriyā somanassindriyanti: somanassindriyaṃ indriyañceva somanassindriyañca avasesā indriyā indriyā na somanassindriyaṃ . Domanassaṃ indriyanti: āmantā . indriyā domanassindriyanti: domanassindriyaṃ indriyañceva domanassindriyañca avasesā indriyā Indriyā na domanassindriyaṃ . upekkhā indriyanti: yā upekkhā indriyaṃ sā upekkhā ceva indriyañca avasesā upekkhā na indriyaṃ. Indriyā upekkhindriyanti: upekkhindriyaṃ indriyañceva upekkhindriyañca avasesā indriyā indriyā na upekkhindriyaṃ.

[443] Saddhā indriyanti: āmantā . Indriyā saddhindriyanti: saddhindriyaṃ indriyañceva saddhindriyañca avasesā indriyā indriyā na saddhindriyaṃ . viriyaṃ indriyanti: āmantā . Indriyā viriyindriyanti: viriyindriyaṃ indriyañceva viriyindriyañca avasesā indriyā indriyā na viriyindriyaṃ . sati indriyanti: āmantā . indriyā satindriyanti: satindriyaṃ indriyañceva satindriyañca avasesā indriyā indriyā na satindriyaṃ . samādhi indriyanti: āmantā . indriyā samādhindriyanti: samādhindriyaṃ indriyañceva samādhindriyañca avasesā indriyā indriyā na samādhindriyaṃ . paññā indriyanti: āmantā . indriyā paññindriyanti: paññindriyaṃ indriyañceva paññindriyañca avasesā indriyā indriyā na paññindriyaṃ.

[444] Anaññātaññassāmīti indriyanti: āmantā . Indriyā anaññātaññassāmītindriyanti: anaññātaññassāmītindriyaṃ indriyañceva anaññātaññassāmītindriyañca avasesā indriyā indriyā na anaññātaññassāmītindriyaṃ . aññaṃ Indriyanti: āmantā . indriyā aññindriyanti: aññindriyaṃ indriyañceva aññindriyañca avasesā indriyā indriyā na aññindriyaṃ . aññātāvī indriyanti: āmantā . indriyā aññātāvindriyanti: aññātāvindriyaṃ indriyañceva aññātāvindriyañca avasesā indriyā indriyā na aññātāvindriyaṃ.