[664] Yattha purisindriyaṃ na uppajjati tattha somanassindriyaṃ na uppajjatīti: rūpāvacare tattha purisindriyaṃ na uppajjati no ca tattha somanassindriyaṃ na uppajjati asaññasatte arūpe tattha purisindriyañca na uppajjati somanassindriyañca na uppajjati . Yattha vā pana somanassindriyaṃ na uppajjati tattha purisindriyaṃ na uppajjatīti: āmantā.

[665] Yattha purisindriyaṃ na uppajjati tattha upekkhindriyaṃ na uppajjatīti: rūpāvacare arūpāvacare tattha purisindriyaṃ na uppajjati no ca tattha upekkhindriyaṃ na uppajjati asaññasatte tattha purisindriyañca na uppajjati upekkhindriyañca na uppajjati . Yattha vā pana upekkhindriyaṃ na uppajjati tattha purisindriyaṃ na uppajjatīti: āmantā.

[666] Yattha purisindriyaṃ na uppajjati tattha saddhindriyaṃ .pe. Paññindriyaṃ manindriyaṃ na uppajjatīti: rūpāvacare arūpāvacare tattha purisindriyaṃ na uppajjati no ca tattha manindriyaṃ na uppajjati asaññasatte tattha purisindriyañca na uppajjati manindriyañca na uppajjati . yattha vā pana manindriyaṃ na uppajjati tattha purisindriyaṃ na uppajjatīti: āmantā.

[667] Yattha jīvitindriyaṃ na uppajjati tattha somanassindriyaṃ na uppajjatīti: natthi . yattha vā pana somanassindriyaṃ na uppajjati tattha jīvitindriyaṃ na uppajjatīti: uppajjati.