[841] Yassa cakkhundriyaṃ uppajjissati tassa jīvitindriyaṃ uppajjissatīti: āmantā . yassa vā pana jīvitindriyaṃ uppajjissati tassa cakkhundriyaṃ uppajjissatīti: ye arūpaṃ upapajjitvā parinibbāyissanti Tesaṃ jīvitindriyaṃ uppajjissati no ca tesaṃ cakkhundriyaṃ uppajjissati itaresaṃ jīvitindriyañca uppajjissati cakkhundriyañca uppajjissati.

[842] Yassa cakkhundriyaṃ uppajjissati tassa somanassindriyaṃ uppajjissatīti: ye sacakkhukā upekkhāya upapajjitvā parinibbāyissanti tesaṃ cakkhundriyaṃ uppajjissati no ca tesaṃ somanassindriyaṃ uppajjissati itaresaṃ cakkhundriyañca uppajjissati somanassindriyañca uppajjissati . yassa vā pana somanassindriyaṃ uppajjissati tassa cakkhundriyaṃ uppajjissatīti: āmantā.

[843] Yassa cakkhundriyaṃ uppajjissati tassa upekkhindriyaṃ uppajjissatīti: ye sacakkhukā somanassena upapajjitvā parinibbāyissanti tesaṃ cakkhundriyaṃ uppajjissati no ca tesaṃ upekkhindriyaṃ uppajjissati itaresaṃ cakkhundriyañca uppajjissati upekkhindriyañca uppajjissati . Yassa vā pana upekkhindriyaṃ uppajjissati tassa cakkhundriyaṃ uppajjissatīti: ye arūpaṃ upapajjitvā parinibbāyissanti tesaṃ upekkhindriyaṃ uppajjissati no ca tesaṃ cakkhundriyaṃ uppajjissati itaresaṃ upekkhindriyañca uppajjissati cakkhundriyañca uppajjissati.

[844] Yassa cakkhundriyaṃ uppajjissati tassa saddhindriyaṃ .pe. Paññindriyaṃ manindriyaṃ uppajjissatīti: āmantā . yassa vā pana Manindriyaṃ uppajjissati tassa cakkhundriyaṃ uppajjissatīti: ye arūpaṃ upapajjitvā parinibbāyissanti tesaṃ manindriyaṃ uppajjissati no ca tesaṃ cakkhundriyaṃ uppajjissati itaresaṃ manindriyañca uppajjissati cakkhundriyañca uppajjissati.