[845] Yassa ghānindriyaṃ uppajjissati tassa itthindriyaṃ uppajjissatīti: ye purisā eteneva bhāvena katici bhave dassetvā parinibbāyissanti tesaṃ ghānindriyaṃ uppajjissati no ca tesaṃ itthindriyaṃ uppajjissati itaresaṃ ghānindriyañca uppajjissati itthindriyañca uppajjissati . yassa vā pana itthindriyaṃ uppajjissati tassa ghānindriyaṃ uppajjissatīti: āmantā.

[846] Yassa ghānindriyaṃ uppajjissati tassa purisindriyaṃ uppajjissatīti: yā itthiyo eteneva bhāvena katici bhave dassetvā parinibbāyissanti tāsaṃ ghānindriyaṃ uppajjissati no ca tāsaṃ purisindriyaṃ uppajjissati itaresaṃ ghānindriyañca uppajjissati purisindriyañca uppajjissati . yassa vā pana purisindriyaṃ uppajjissati tassa ghānindriyaṃ uppajjissatīti: āmantā.

[847] Yassa ghānindriyaṃ uppajjissati tassa jīvitindriyaṃ uppajjissatīti: āmantā . yassa vā pana jīvitindriyaṃ uppajjissati tassa ghānindriyaṃ uppajjissatīti: ye rūpāvacaraṃ arūpāvacaraṃ upapajjitvā parinibbāyissanti tesaṃ jīvitindriyaṃ uppajjissati no ca Tesaṃ ghānindriyaṃ uppajjissati itaresaṃ jīvitindriyañca uppajjissati ghānindriyañca uppajjissati.

[848] Yassa ghānindriyaṃ uppajjissati tassa somanassindriyaṃ uppajjissatīti: ye saghānakā upekkhāya upapajjitvā parinibbāyissanti tesaṃ ghānindriyaṃ uppajjissati no ca tesaṃ somanassindriyaṃ uppajjissati itaresaṃ ghānindriyañca uppajjissati somanassindriyañca uppajjissati . yassa vā pana somanassindriyaṃ uppajjissati tassa ghānindriyaṃ uppajjissatīti: ye rūpāvacaraṃ upapajjitvā parinibbāyissanti tesaṃ somanassindriyaṃ uppajjissati no ca tesaṃ ghānindriyaṃ uppajjissati itaresaṃ somanassindriyañca uppajjissati ghānindriyañca uppajjissati.