[860] Yassa jīvitindriyaṃ uppajjissati tassa somanassindriyaṃ uppajjissatīti: yassa cittassa anantarā upekkhāsampayuttapacchimacittaṃ uppajjissati tesaṃ jīvitindriyaṃ uppajjissati no ca tesaṃ somanassindriyaṃ uppajjissati itaresaṃ jīvitindriyañca uppajjissati somanassindriyañca uppajjissati . yassa vā pana somanassindriyaṃ uppajjissati tassa jīvitindriyaṃ uppajjissatīti: āmantā.

[861] Yassa jīvitindriyaṃ uppajjissati tassa upekkhindriyaṃ uppajjissatīti: yassa cittassa anantarā somanassasampayuttapacchimacittaṃ uppajjissati tesaṃ jīvitindriyaṃ uppajjissati no ca tesaṃ upekkhindriyaṃ uppajjissati itaresaṃ jīvitindriyañca uppajjissati upekkhindriyañca uppajjissati . yassa vā pana upekkhindriyaṃ uppajjissati tassa jīvitindriyaṃ uppajjissatīti: āmantā.

[862] Yassa jīvitindriyaṃ uppajjissati tassa saddhindriyaṃ .pe. Paññindriyaṃ manindriyaṃ uppajjissatīti: āmantā . Yassa vā pana manindriyaṃ uppajjissati tassa jīvitindriyaṃ uppajjissatīti: āmantā.

[863] Yassa somanassindriyaṃ uppajjissati tassa upekkhindriyaṃ uppajjissatīti: yassa cittassa anantarā somanassasampayuttapacchimacittaṃ uppajjissati tesaṃ somanassindriyaṃ uppajjissati no ca tesaṃ upekkhindriyaṃ uppajjissati itaresaṃ somanassindriyañca uppajjissati upekkhindriyañca uppajjissati . yassa vā pana upekkhindriyaṃ uppajjissati tassa somanassindriyaṃ uppajjissatīti: yassa cittassa anantarā upekkhāsampayuttapacchimacittaṃ uppajjissati tesaṃ upekkhindriyaṃ uppajjissati no ca tesaṃ somanassindriyaṃ uppajjissati itaresaṃ upekkhindriyañca uppajjissati somanassindriyañca uppajjissati.