[864] Yassa somanassindriyaṃ uppajjissati tassa saddhindriyaṃ .pe. paññindriyaṃ manindriyaṃ uppajjissatīti: āmantā . Yassa vā pana manindriyaṃ uppajjissati tassa somanassindriyaṃ uppajjissatīti: yassa cittassa anantarā upekkhāsampayuttapacchimacittaṃ uppajjissati tesaṃ manindriyaṃ uppajjassati no ca tesaṃ somanassindriyaṃ uppajjissati itaresaṃ manindriyañca uppajjissati somanassindriyañca uppajjissati.

[865] Yassa upekkhindriyaṃ uppajjissati tassa saddhindriyaṃ .pe. paññindriyaṃ manindriyaṃ uppajjissatīti: āmantā . Yassa vā pana manindriyaṃ uppajjissati tassa upekkhindriyaṃ uppajjissatīti: yassa cittassa anantarā somanassasampayuttapacchimacittaṃ uppajjissati tesaṃ manindriyaṃ uppajjissati no ca tesaṃ upekkhindriyaṃ uppajjissati itaresaṃ manindriyañca uppajjissati upekkhindriyañca uppajjissati.

[866] Yassa saddhindriyaṃ uppajjissati tassa paññindriyaṃ .pe. manindriyaṃ uppajjissatīti: āmantā . yassa vā pana manindriyaṃ uppajjissati tassa saddhindriyaṃ uppajjissatīti: āmantā.

[867] Yassa paññindriyaṃ uppajjissati tassa manindriyaṃ uppajjissatīti: āmantā . yassa vā pana manindriyaṃ uppajjissati tassa paññindriyaṃ uppajjissatīti: āmantā.

เล่มที่ ๓๙ ยมก ภาค ๒๒๓๕

ที่มาและฉบับอื่นของ “[๘๓๗] จักขุนทรีย์จักเกิดขึ้นแก่สัตว์ใด โสตินทรีย์จักเกิดขึ้นแก่สัตว์นั้นหรือ เป็นต้น”