[880] Yattha itthindriyaṃ uppajjissati tattha purisindriyaṃ uppajjissatīti: āmantā . yattha vā pana purisindriyaṃ uppajjissati tattha itthindriyaṃ uppajjissatīti: āmantā.

[881] Yattha itthindriyaṃ uppajjissati tattha jīvitindriyaṃ uppajjissatīti: āmantā . yattha vā pana jīvitindriyaṃ Uppajjissati tattha itthindriyaṃ uppajjissatīti: rūpāvacare arūpāvacare tattha jīvitindriyaṃ uppajjissati no ca tattha itthindriyaṃ uppajjissati kāmāvacare tattha jīvitindriyañca uppajjissati itthindriyañca uppajjissati.

[882] Yattha itthindriyaṃ uppajjissati tattha somanassindriyaṃ uppajjissatīti: āmantā . yattha vā pana somanassindriyaṃ uppajjissati tattha itthindriyaṃ uppajjissatīti: rūpāvacare tattha somanassindriyaṃ uppajjissati no ca tattha itthindriyaṃ uppajjissati kāmāvacare tattha somanassindriyañca uppajjissati itthindriyañca uppajjissati.

[883] Yattha itthindriyaṃ uppajjissati tattha upekkhindriyaṃ uppajjissatīti: āmantā . yattha vā pana upekkhindriyaṃ uppajjissati tattha itthindriyaṃ uppajjissatīti: rūpāvacare arūpāvacare tattha upekkhindriyaṃ uppajjissati no ca tattha itthindriyaṃ uppajjissati kāmāvacare tattha upekkhindriyañca uppajjissati itthindriyañca uppajjissati.