[884] Yattha itthindriyaṃ uppajjissati tattha saddhindriyaṃ .pe. Paññindriyaṃ manindriyaṃ uppajjissatīti: āmantā . yattha vā pana manindriyaṃ uppajjissati tattha itthindriyaṃ uppajjissatīti: rūpāvacare arūpāvacare tattha manindriyaṃ uppajjissati no ca tattha itthindriyaṃ Uppajjissati kāmāvacare tattha manindriyañca uppajjissati itthindriyañca uppajjissati.

[885] Yattha purisindriyaṃ uppajjissati tattha jīvitindriyaṃ uppajjissatīti: āmantā . yattha vā pana jīvitindriyaṃ uppajjissati tattha purisindriyaṃ uppajjissatīti: rūpāvacare arūpāvacare tattha jīvitindriyaṃ uppajjissati no ca tattha purisindriyaṃ uppajjissati kāmāvacare tattha jīvitindriyañca uppajjissati purisindriyañca uppajjissati.

[886] Yattha purisindriyaṃ uppajjissati tattha somanassindriyaṃ uppajjissatīti: āmantā . yattha vā pana somanassindriyaṃ uppajjissati tattha purisindriyaṃ uppajjissatīti: rūpāvacare tattha somanassindriyaṃ uppajjissati no ca tattha purisindriyaṃ uppajjissati kāmāvacare tattha somanassindriyañca uppajjissati purisindriyañca uppajjissati.

[887] Yattha purisindriyaṃ uppajjissati tattha upekkhindriyaṃ uppajjissatīti: āmantā . yattha vā pana upekkhindriyaṃ uppajjissati tattha purisindriyaṃ uppajjissatīti: rūpāvacare arūpāvacare tattha upekkhindriyaṃ uppajjissati no ca tattha purisindriyaṃ uppajjissati kāmāvacare tattha upekkhindriyañca uppajjissati purisindriyañca uppajjissati.