[888] Yattha purisindriyaṃ uppajjissati tattha saddhindriyaṃ .pe. Paññindriyaṃ manindriyaṃ uppajjissatīti: āmantā . yattha vā pana manindriyaṃ uppajjissati tattha purisindriyaṃ uppajjissatīti: rūpāvacare arūpāvacare tattha manindriyaṃ uppajjissati no ca tattha purisindriyaṃ uppajjissati kāmāvacare tattha manindriyañca uppajjissati purisindriyañca uppajjissati.

[889] Yattha jīvitindriyaṃ uppajjissati tattha somanassindriyaṃ uppajjissatīti: asaññasatte tattha jīvitindriyaṃ uppajjissati no ca tattha somanassindriyaṃ uppajjissati catuvokāre pañcavokāre tattha jīvitindriyañca uppajjissati somanassindriyañca uppajjissati . Yattha vā pana somanassindriyaṃ uppajjissati tattha jīvitindriyaṃ uppajjissatīti: āmantā.

[890] Yattha jīvitindriyaṃ uppajjissati tattha upekkhindriyaṃ .pe. saddhindriyaṃ paññindriyaṃ manindriyaṃ uppajjissatīti: asaññasatte tattha jīvitindriyaṃ uppajjissati no ca tattha manindriyaṃ uppajjissati catuvokāre pañcavokāre tattha jīvitindriyañca uppajjissati manindriyañca uppajjissati . yattha vā pana manindriyaṃ uppajjissati tattha jīvitindriyaṃ uppajjissatīti: āmantā.

[891] Yattha somanassindriyaṃ uppajjissati tattha upekkhindriyaṃ .pe. saddhindriyaṃ paññindriyaṃ manindriyaṃ uppajjissatīti: āmantā . Yattha vā pana manindriyaṃ uppajjissati tattha somanassindriyaṃ uppajjissatīti: āmantā.