[974] Yattha jīvitindriyaṃ na uppajjissati tattha somanassindriyaṃ na uppajjissatīti: natthi . yattha vā pana somanassindriyaṃ na uppajjissati tattha jīvitindriyaṃ na uppajjissatīti: uppajjissati.

[975] Yattha jīvitindriyaṃ na uppajjissati tattha upekkhindriyaṃ .pe. Saddhindriyaṃ paññindriyaṃ manindriyaṃ na uppajjissatīti: natthi . Yattha vā pana manindriyaṃ na uppajjissati tattha jīvitindriyaṃ na uppajjissatīti: uppajjissati.

[976] Yattha somanassindriyaṃ na uppajjissati tattha upekkhindriyaṃ .pe. saddhindriyaṃ paññindriyaṃ manindriyaṃ na uppajjissatīti: āmantā . yattha vā pana manindriyaṃ na uppajjissati tattha somanassindriyaṃ na uppajjissatīti: āmantā.

[977] Yattha upekkhindriyaṃ na uppajjissati tattha saddhindriyaṃ .pe. Paññindriyaṃ manindriyaṃ na uppajjissatīti: āmantā . yattha vā pana manindriyaṃ na uppajjissati tattha upekkhindriyaṃ na uppajjissatīti: āmantā.