[978] Yattha saddhindriyaṃ na uppajjissati tattha paññindriyaṃ .pe. manindriyaṃ na uppajjissatīti: āmantā . yattha vā pana manindriyaṃ na uppajjissati tattha saddhindriyaṃ na uppajjissatīti: āmantā.

[979] Yattha paññindriyaṃ na uppajjissati tattha manindriyaṃ Na uppajjissatīti: āmantā . yattha vā pana manindriyaṃ na uppajjissati tattha paññindriyaṃ na uppajjissatīti: āmantā.

[980] Yassa yattha cakkhundriyaṃ na uppajjissatīti tassa tattha sotindriyaṃ na uppajjissatīti: āmantā . yassa vā pana yattha sotindriyaṃ na uppajjissati tassa tattha cakkhundriyaṃ na uppajjissatīti: āmantā.

[981] Yassa yattha cakkhundriyaṃ na uppajjissati tassa tattha ghānindriyaṃ na uppajjissatīti: āmantā . yassa vā pana yattha ghānindriyaṃ na uppajjissati tassa tattha cakkhundriyaṃ na uppajjissatīti: rūpāvacarānaṃ tesaṃ tattha ghānindriyaṃ na uppajjissati no ca tesaṃ tattha cakkhundriyaṃ na uppajjissati pañcavokāre pacchimabhavikānaṃ asaññasattānaṃ arūpānaṃ tesaṃ tattha ghānindriyañca na uppajjissati cakkhundriyañca na uppajjissati.