[1144] Yassa yattha upekkhindriyaṃ uppajjati tassa tattha saddhindriyaṃ uppajjissatīti: upekkhāsampayuttapacchimacittassa uppādakkhaṇe tesaṃ tattha upekkhindriyaṃ uppajjati no ca tesaṃ tattha saddhindriyaṃ uppajjissati itaresaṃ upekkhāya upapajjantānaṃ pavatte Upekkhāsampayuttacittassa uppādakkhaṇe tesaṃ tattha upekkhindriyañca uppajjati saddhindriyañca uppajjissati . yassa vā pana yattha saddhindriyaṃ uppajjissati tassa tattha upekkhindriyaṃ uppajjatīti: sabbesaṃ cittassa bhaṅgakkhaṇe upekkhāvippayuttacittassa uppādakkhaṇe tesaṃ tattha saddhindriyaṃ uppajjissati no ca tesaṃ tattha upekkhindriyaṃ uppajjati upekkhāya upapajjantānaṃ pavatte upekkhāsampayuttacittassa uppādakkhaṇe tesaṃ tattha saddhindriyañca uppajjissati upekkhindriyañca uppajjati.

[1145] Yassa yattha upekkhindriyaṃ uppajjati tassa tattha paññindriyaṃ .pe. manindriyaṃ uppajjissatīti: upekkhāsampayutta- pacchimacittassa uppādakkhaṇe tesaṃ tattha upekkhindriyaṃ uppajjati no ca tesaṃ tattha manindriyaṃ uppajjissati itaresaṃ upekkhāya upapajjantānaṃ pavatte upekkhāsampayuttacittassa uppādakkhaṇe tesaṃ tattha upekkhindriyañca uppajjati manindriyañca uppajjissati . Yassa vā pana yattha manindriyaṃ uppajjissati tassa tattha upekkhindriyaṃ uppajjatīti: sabbesaṃ cittassa bhaṅgakkhaṇe upekkhāvippayuttacittassa uppādakkhaṇe tesaṃ tattha manindriyaṃ uppajjissati no ca tesaṃ tattha upekkhindriyaṃ uppajjati upekkhāya upapajjantānaṃ pavatte upekkhāsampayuttacittassa uppādakkhaṇe tesaṃ tattha manindriyañca uppajjissati upekkhindriyañca uppajjati.

[1146] Yassa yattha saddhindriyaṃ uppajjati tassa tattha paññindriyaṃ uppajjissatīti: pacchimacittassa uppādakkhaṇe tesaṃ tattha saddhindriyaṃ uppajjati no ca tesaṃ tattha paññindriyaṃ uppajjissati itaresaṃ sahetukānaṃ upapajjantānaṃ pavatte saddhāsampayuttacittassa uppādakkhaṇe tesaṃ tattha saddhindriyañca uppajjati paññindriyañca uppajjissati . yassa vā pana yattha paññindriyaṃ uppajjissati tassa tattha saddhindriyaṃ uppajjatīti: sabbesaṃ cittassa bhaṅgakkhaṇe saddhāvippayuttacittassa uppādakkhaṇe tesaṃ tattha paññindriyaṃ uppajjissati no ca tesaṃ tattha saddhindriyaṃ uppajjati sahetukānaṃ upapajjantānaṃ pavatte saddhāsampayuttacittassa uppādakkhaṇe tesaṃ tattha paññindriyañca uppajjissati saddhindriyañca uppajjati.

เล่มที่ ๓๙ ยมก ภาค ๒๓๑๓

ที่มาและฉบับอื่นของ “[๑๐๑๒] จักขุนทรีย์ย่อมเกิดขึ้นแก่สัตว์ใด โสตินทรีย์เคยเกิดขึ้นแล้วแก่สัตว์นั้นหรือ เป็นต้น”