[1177] Yassa somanassindriyaṃ na uppajjati tassa saddhindriyaṃ na uppajjissatīti: sabbesaṃ cittassa bhaṅgakkhaṇe somanassavippayutta- cittassa uppādakkhaṇe nirodhasamāpannānaṃ asaññasattānaṃ tesaṃ somanassindriyaṃ na uppajjati no ca tesaṃ saddhindriyaṃ na uppajjissati somanassasampayuttapacchimacittassa bhaṅgakkhaṇe upekkhāsampayutta- pacchimacittasamaṅgīnaṃ tesaṃ somanassindriyañca na uppajjati saddhindriyañca na uppajjissati . yassa vā pana saddhindriyaṃ na uppajjissati tassa somanassindriyaṃ na uppajjatīti: somanassa- sampayuttapacchimacittassa uppādakkhaṇe tesaṃ saddhindriyaṃ na uppajjissati no ca tesaṃ somanassindriyaṃ na uppajjati somanassasampayuttapacchima- cittassa bhaṅgakkhaṇe upekkhāsampayuttapacchimacittasamaṅgīnaṃ tesaṃ saddhindriyañca na uppajjissati somanassindriyañca na uppajjati.

[1178] Yassa somanassindriyaṃ na uppajjati tassa paññindriyaṃ .pe. manindriyaṃ na uppajjissatīti: sabbesaṃ cittassa Bhaṅgakkhaṇe somanassavippayuttacittassa uppādakkhaṇe nirodhasamāpannānaṃ asaññasattānaṃ tesaṃ somanassindriyaṃ na uppajjati no ca tesaṃ manindriyaṃ na uppajjissati somanassa- sampayuttapacchimacittassa bhaṅgakkhaṇe upekkhāsampayutta- pacchimacittasamaṅgīnaṃ tesaṃ somanassindriyañca na uppajjati manindriyañca na uppajjissati . yassa vā pana manindriyaṃ na uppajjissati tassa somanassindriyaṃ na uppajjatīti: somanassasampayuttapacchimacittassa uppādakkhaṇe tesaṃ manindriyaṃ na uppajjissati no ca tesaṃ somanassindriyaṃ na uppajjati somanassasampayuttapacchimacittassa bhaṅgakkhaṇe upekkhāsampayuttapacchimacittasamaṅgīnaṃ tesaṃ manindriyañca na uppajjissati somanassindriyañca na uppajjati.

[1179] Yassa upekkhindriyaṃ na uppajjati tassa saddhindriyaṃ na uppajjissatīti: sabbesaṃ cittassa bhaṅgakkhaṇe upekkhāvippayutta- cittassa uppādakkhaṇe nirodhasamāpannānaṃ asaññasattānaṃ tesaṃ upekkhindriyaṃ na uppajjati no ca tesaṃ saddhindriyaṃ na uppajjissati upekkhāsampayuttapacchimacittassa bhaṅgakkhaṇe somanassasampayutta- pacchimacittasamaṅgīnaṃ tesaṃ upekkhindriyañca na uppajjati saddhindriyañca na uppajjissati . yassa vā pana saddhindriyaṃ na uppajjissati tassa upekkhindriyaṃ na uppajjatīti: upekkhāsampayuttapacchimacittassa uppādakkhaṇe tesaṃ saddhindriyaṃ na uppajjissati no ca tesaṃ Upekkhindriyaṃ na uppajjati upekkhāsampayuttapacchimacittassa bhaṅgakkhaṇe somanassasampayuttapacchimacittasamaṅgīnaṃ tesaṃ saddhindriyañca na uppajjissati upekkhindriyañca na uppajjati.

เล่มที่ ๓๙ ยมก ภาค ๒๓๒๕

ที่มาและฉบับอื่นของ “[๑๐๑๒] จักขุนทรีย์ย่อมเกิดขึ้นแก่สัตว์ใด โสตินทรีย์เคยเกิดขึ้นแล้วแก่สัตว์นั้นหรือ เป็นต้น”