[1213] Yassa yattha jīvitindriyaṃ na uppajjati tassa tattha upekkhindriyaṃ na uppajjissatīti: catuvokārā pañcavokārā cavantānaṃ pavatte cittassa bhaṅgakkhaṇe tesaṃ tattha jīvitindriyaṃ na uppajjati no ca tesaṃ tattha upekkhindriyaṃ na uppajjissati pacchimacittassa bhaṅgakkhaṇe yassa cittassa anantarā somanassasampayuttapacchimacittaṃ uppajjissati tassa cittassa bhaṅgakkhaṇe asaññasattā cavantānaṃ tesaṃ tattha jīvitindriyañca na uppajjati upekkhindriyañca Na uppajjissati. {1213.1} Yassa vā pana yattha upekkhindriyaṃ na uppajjissati tassa tattha jīvitindriyaṃ na uppajjatīti: pacchimacittassa uppādakkhaṇe yassa cittassa anantarā somanassasampayuttapacchimacittaṃ uppajjissati tassa cittassa uppādakkhaṇe asaññasattaṃ upapajjantānaṃ tesaṃ tattha upekkhindriyaṃ na uppajjissati no ca tesaṃ tattha jīvitindriyaṃ na uppajjati pacchimacittassa bhaṅgakkhaṇe yassa cittassa anantarā somanassasampayuttapacchimacittaṃ uppajjissati tassa cittassa bhaṅgakkhaṇe asaññasattā cavantānaṃ tesaṃ tattha upekkhindriyañca na uppajjissati jīvitindriyañca na uppajjati.

[1214] Yassa yattha jīvitindriyaṃ na uppajjati tassa tattha sandhindriyaṃ na uppajjissatīti: catuvokārā pañcavokārā cavantānaṃ pavatte cittassa bhaṅgakkhaṇe tesaṃ tattha jīvitindriyaṃ na uppajjati no ca tesaṃ tattha saddhindriyaṃ na uppajjissati pacchimacittassa bhaṅgakkhaṇe asaññasattā cavantānaṃ tesaṃ tattha jīvitindriyañca na uppajjati saddhindriyañca na uppajjissati . yassa vā pana yattha saddhindriyaṃ na uppajjissati tassa tattha jīvitindriyaṃ na uppajjatīti: pacchimacittassa uppādakkhaṇe asaññasattaṃ upapajjantānaṃ tesaṃ tattha saddhindriyaṃ na uppajjissati no ca tesaṃ tattha jīvitindriyaṃ na uppajjati pacchimacittassa bhaṅgakkhaṇe asaññasattā cavantānaṃ tesaṃ tattha saddhindriyañca na uppajjissati jīvitindriyañca na uppajjati.

[1215] Yassa tattha jīvitindriyaṃ na uppajjati tassa tattha paññindriyaṃ .pe. manindriyaṃ na uppajjissatīti: catuvokārā pañcavokārā cavantānaṃ pavatte cittassa bhaṅgakkhaṇe tesaṃ tattha jīvitindriyaṃ na uppajjati no ca tesaṃ tattha manindriyaṃ na uppajjissati pacchimacittassa bhaṅgakkhaṇe asaññasattā cavantānaṃ tesaṃ tattha jīvitindriyañca na uppajjati manindriyañca na uppajjissati . Yassa vā pana yattha manindriyaṃ na uppajjissati tassa tattha jīvitindriyaṃ na uppajjatīti: pacchimacittassa uppādakkhaṇe asaññasattaṃ upapajjantānaṃ tesaṃ tattha manindriyaṃ na uppajjissati no ca tesaṃ tattha jīvitindriyaṃ na uppajjati pacchimacittassa bhaṅgakkhaṇe asaññasattā cavantānaṃ tesaṃ tattha manindriyañca na uppajjissati jīvitindriyañca na uppajjati.