[1218] Yassa yattha upekkhindriyaṃ na uppajjati tassa tattha saddhindriyaṃ na uppajjissatīti: sabbesaṃ cittassa bhaṅgakkhaṇe upekkhāvippayuttacittassa uppādakkhaṇe tesaṃ tattha upekkhindriyaṃ na uppajjati no ca tesaṃ tattha saddhindriyaṃ na uppajjissati upekkhāsampayuttapacchimacittassa bhaṅgakkhaṇe somanassasampayutta- pacchimacittasamaṅgīnaṃ asaññasattānaṃ tesaṃ tattha upekkhindriyañca na uppajjati saddhindriyañca na uppajjissati. {1218.1} Yassa vā pana yattha saddhindriyaṃ na uppajjissati tassa tattha upekkhindriyaṃ na uppajjatīti: upekkhāsampayuttapacchimacittassa uppādakkhaṇe tesaṃ tattha saddhindriyaṃ na uppajjissati no ca tesaṃ tattha upekkhindriyaṃ na uppajjati upekkhāsampayuttapacchimacittassa bhaṅgakkhaṇe somanassasampayuttapacchimacittasamaṅgīnaṃ asaññasattānaṃ tesaṃ tattha saddhindriyañca na uppajjissati upekkhindriyañca na uppajjati.

[1219] Yassa yattha upekkhindriyaṃ na uppajjati tassa tattha paññindriyaṃ .pe. manindriyaṃ na uppajjissatīti: sabbesaṃ cittassa bhaṅgakkhaṇe upekkhāvippayuttacittassa uppādakkhaṇe tesaṃ tattha upekkhindriyaṃ na uppajjati no ca tesaṃ tattha manindriyaṃ Na uppajjissati upekkhāsampayuttapacchimacittassa bhaṅgakkhaṇe somanassasampayuttapacchimacittasamaṅgīnaṃ asaññasattānaṃ tesaṃ tattha upekkhindriyañca na uppajjati manindriyañca na uppajjissati . yassa vā pana yattha manindriyaṃ na uppajjissati tassa tattha upekkhindriyaṃ na uppajjatīti: upekkhāsampayuttapacchimacittassa uppādakkhaṇe tesaṃ tattha manindriyaṃ na uppajjissati no ca tesaṃ tattha upekkhindriyaṃ na uppajjati upekkhāsampayuttapacchimacittassa bhaṅgakkhaṇe somanassasampayuttapacchimacittasamaṅgīnaṃ asaññasattānaṃ tesaṃ tattha manindriyañca na uppajjissati upekkhindriyañca na uppajjati.

[1220] Yassa yattha saddhindriyaṃ na uppajjati tassa tattha paññindriyaṃ na uppajjissatīti: sabbesaṃ cittassa bhaṅgakkhaṇe saddhāvippayuttacittassa uppādakkhaṇe tesaṃ tattha saddhindriyaṃ na uppajjati no ca tesaṃ tattha paññindriyaṃ na uppajjissati pacchimacittassa bhaṅgakkhaṇe asaññasattānaṃ tesaṃ tattha saddhindriyañca na uppajjati paññindriyañca na uppajjissati . yassa vā pana yattha paññindriyaṃ na uppajjissati tassa tattha saddhindriyaṃ na uppajjatīti: pacchimacittassa uppādakkhaṇe tesaṃ tattha paññindriyaṃ na uppajjissati no ca tesaṃ tattha saddhindriyaṃ na uppajjati pacchimacittassa bhaṅgakkhaṇe asaññasattānaṃ tesaṃ tattha paññindriyañca na uppajjissati saddhindriyañca na uppajjati.

เล่มที่ ๓๙ ยมก ภาค ๒๓๔๐

ที่มาและฉบับอื่นของ “[๑๐๑๒] จักขุนทรีย์ย่อมเกิดขึ้นแก่สัตว์ใด โสตินทรีย์เคยเกิดขึ้นแล้วแก่สัตว์นั้นหรือ เป็นต้น”