[1245] Yassa purisindriyaṃ uppajjittha tassa saddhindriyaṃ uppajjissatīti: pacchimabhavikānaṃ tesaṃ purisindriyaṃ uppajjittha no ca tesaṃ saddhindriyaṃ uppajjissati itaresaṃ purisindriyañca uppajjittha saddhindriyañca uppajjissati . yassa vā pana saddhindriyaṃ Uppajjissati tassa purisindriyaṃ uppajjitthāti: āmantā.

[1246] Yassa purisindriyaṃ uppajjittha tassa paññindriyaṃ .pe. manindriyaṃ uppajjissatīti: pacchimabhavikānaṃ tesaṃ purisindriyaṃ uppajjittha no ca tesaṃ manindriyaṃ uppajjissati itaresaṃ purisindriyañca uppajjittha manindriyañca uppajjissati . yassa vā pana manindriyaṃ uppajjissati tassa purisindriyaṃ uppajjitthāti: āmantā.

[1247] Yassa jīvitindriyaṃ uppajjittha tassa somanassindriyaṃ uppajjissatīti: pacchimacittasamaṅgīnaṃ yassa cittassa anantarā upekkhāsampayuttapacchimacittaṃ uppajjissati tesaṃ jīvitindriyaṃ uppajjittha no ca tesaṃ somanassindriyaṃ uppajjissati itaresaṃ jīvitindriyañca uppajjittha somanassindriyañca uppajjissati . yassa vā pana somanassindriyaṃ uppajjissati tassa jīvitindriyaṃ uppajjitthāti: āmantā.

[1248] Yassa jīvitindriyaṃ uppajjittha tassa upekkhindriyaṃ uppajjissatīti: pacchimacittasamaṅgīnaṃ yassa cittassa anantarā somanassasampayuttapacchimacittaṃ uppajjissati tesaṃ jīvitindriyaṃ uppajjittha no ca tesaṃ upekkhindriyaṃ uppajjissati itaresaṃ jīvitindriyañca uppajjittha upekkhindriyañca uppajjissati . Yassa vā pana upekkhindriyaṃ uppajjissati tassa jīvitindriyaṃ uppajjitthāti: āmantā.