[1249] Yassa jīvitindriyaṃ uppajjittha tassa saddhindriyaṃ uppajjissatīti: pacchimacittasamaṅgīnaṃ tesaṃ jīvitindriyaṃ uppajjittha No ca tesaṃ saddhindriyaṃ uppajjissati itaresaṃ jīvitindriyañca uppajjittha saddhindriyañca uppajjissati . yassa vā pana saddhindriyaṃ uppajjissati tassa jīvitindriyaṃ uppajjitthāti: āmantā.

[1250] Yassa jīvitindriyaṃ uppajjittha tassa paññindriyaṃ .pe. manindriyaṃ uppajjissatīti: pacchimacittasamaṅgīnaṃ tesaṃ jīvitindriyaṃ uppajjittha no ca tesaṃ manindriyaṃ uppajjissati itaresaṃ jīvitindriyañca uppajjittha manindriyañca uppajjissati . yassa vā pana manindriyaṃ uppajjissati tassa jīvitindriyaṃ uppajjitthāti: āmantā.

[1251] Yassa somanassindriyaṃ uppajjittha tassa upekkhindriyaṃ uppajjissatīti: pacchimacittasamaṅgīnaṃ yassa cittassa anantarā somanassasampayuttapacchimacittaṃ uppajjissati tesaṃ somanassindriyaṃ uppajjittha no ca tesaṃ upekkhindriyaṃ uppajjissati itaresaṃ somanassindriyañca uppajjittha upekkhindriyañca uppajjissati . Yassa vā pana upekkhindriyaṃ uppajjissati tassa somanassindriyaṃ uppajjitthāti: āmantā.

[1252] Yassa somanassindriyaṃ uppajjittha tassa saddhindriyaṃ .pe. paññindriyaṃ manindriyaṃ uppajjissatīti: pacchimacittasamaṅgīnaṃ tesaṃ somanassindriyaṃ uppajjittha no ca tesaṃ manindriyaṃ uppajjissati itaresaṃ somanassindriyañca uppajjittha manindriyañca uppajjissati . Yassa vā pana manindriyaṃ uppajjissati tassa somanassindriyaṃ Uppajjitthāti: āmantā.