[1291] Yassa yattha upekkhindriyaṃ uppajjittha tassa tattha saddhindriyaṃ .pe. paññindriyaṃ manindriyaṃ uppajjissatīti: pacchimacittasamaṅgīnaṃ tesaṃ tattha upekkhindriyaṃ uppajjittha no ca tesaṃ tattha manindriyaṃ uppajjissati itaresaṃ catuvokārānaṃ pañcavokārānaṃ tesaṃ tattha upekkhindriyañca uppajjittha manindriyañca uppajjissati . yassa vā pana yattha manindriyaṃ uppajjissati tassa tattha upekkhindriyaṃ uppajjitthāti: suddhāvāsaṃ upapajjantānaṃ tesaṃ tattha manindriyaṃ uppajjissati no ca tesaṃ tattha upekkhindriyaṃ uppajjittha itaresaṃ catuvokārānaṃ pañcavokārānaṃ tesaṃ tattha manindriyañca uppajjissati upekkhindriyañca uppajjittha.

[1292] Yassa yattha saddhindriyaṃ uppajjittha tassa tattha paññindriyaṃ .pe. manindriyaṃ uppajjissatīti: pacchimacittasamaṅgīnaṃ tesaṃ tattha saddhindriyaṃ uppajjittha no ca tesaṃ tattha manindriyaṃ uppajjissati itaresaṃ catuvokārānaṃ pañcavokārānaṃ tesaṃ tattha saddhindriyañca uppajjittha manindriyañca uppajjissati . yassa vā pana yattha manindriyaṃ uppajjissati tassa tattha saddhindriyaṃ uppajjitthāti: suddhāvāsaṃ upapajjantānaṃ tesaṃ tattha manindriyaṃ uppajjissati no ca tesaṃ tattha saddhindriyaṃ uppajjittha itaresaṃ catuvokārānaṃ pañcavokārānaṃ tesaṃ tattha manindriyañca uppajjissati saddhindriyañca uppajjittha.

[1293] Yassa yattha paññindriyaṃ uppajjittha tassa tattha manindriyaṃ uppajjissatīti: pacchimacittasamaṅgīnaṃ tesaṃ tattha paññindriyaṃ uppajjittha no ca tesaṃ tattha manindriyaṃ uppajjissati itaresaṃ catuvokārānaṃ pañcavokārānaṃ tesaṃ tattha paññindriyañca uppajjittha manindriyañca uppajjissati . yassa vā pana yattha manindriyaṃ uppajjissati tassa tattha paññindriyaṃ uppajjitthāti: suddhāvāsaṃ upapajjantānaṃ tesaṃ tattha manindriyaṃ uppajjissati no ca tesaṃ tattha paññindriyaṃ uppajjittha itaresaṃ catuvokārānaṃ pañcavokārānaṃ tesaṃ tattha manindriyañca uppajjissati paññindriyañca uppajjittha.

เล่มที่ ๓๙ ยมก ภาค ๒๓๖๐

ที่มาและฉบับอื่นของ “[๑๐๑๒] จักขุนทรีย์ย่อมเกิดขึ้นแก่สัตว์ใด โสตินทรีย์เคยเกิดขึ้นแล้วแก่สัตว์นั้นหรือ เป็นต้น”