[220] Yattha kusalā dhammā na nirujjhittha tattha akusalā dhammā na nirujjhitthāti: āmantā . yattha vā pana akusalā dhammā na nirujjhittha tattha kusalā dhammā na nirujjhitthāti: āmantā.

[221] Yattha kusalā dhammā na nirujjhittha tattha abyākatā dhammā na nirujjhitthāti: nirujjhittha . yattha vā pana abyākatā dhammā na nirujjhittha tattha kusalā dhammā na nirujjhitthāti: natthi.

[222] Yattha akusalā dhammā na nirujjhittha tattha abyākatā dhammā na nirujjhitthāti: nirujjhittha . yattha vā pana abyākatā dhammā na nirujjhittha tattha akusalā dhammā na nirujjhitthāti: natthi.

[223] Yassa yattha kusalā dhammā na nirujjhittha tassa tattha akusalā dhammā na nirujjhitthāti: suddhāvāsānaṃ dutiye akusale citte vattamāne tesaṃ tattha kusalā dhammā na nirujjhittha no ca Tesaṃ tattha akusalā dhammā na nirujjhittha suddhāvāsānaṃ dutiye citte vattamāne asaññasattānaṃ tesaṃ tattha kusalā ca dhammā na nirujjhittha akusalā ca dhammā na nirujjhittha . yassa vā pana yattha akusalā dhammā na nirujjhittha tassa tattha kusalā dhammā na nirujjhitthāti: āmantā.