[109] Tena kho pana samayena aññataro dāso palāyitvā Bhikkhūsu pabbajito hoti . ayyikā passitvā evamāhaṃsu ayaṃ so amhākaṃ dāso handa naṃ nemāti . ekacce evamāhaṃsu māyyā evaṃ avacuttha anuññātaṃ raññā māgadhena seniyena bimbisārena ye samaṇesu sakyaputtiyesu pabbajanti na te labbhā kiñci kātuṃ svākkhāto dhammo carantu brahmacariyaṃ sammā dukkhassa antakiriyāyāti . manussā ujjhāyanti khīyanti vipācenti abhayūvarā ime samaṇā sakyaputtiyā nayime labbhā kiñci kātuṃ kathaṃ hi nāma dāsaṃ pabbājessantīti . bhagavato etamatthaṃ ārocesuṃ . na bhikkhave dāso pabbājetabbo yo pabbājeyya āpatti dukkaṭassāti.