[103] Tena kho pana samayena coro aṅgulimālo bhikkhūsu pabbajito hoti . manussā passitvā ubbijjantipi uttasantipi Palāyantipi aññenapi gacchanti aññenapi mukhaṃ karonti dvāraṃpi thakenti . manussā ujjhāyanti khīyanti vipācenti kathaṃ hi nāma samaṇā sakyaputtiyā dhajabaddhaṃ coraṃ pabbājessantīti . Assosuṃ kho bhikkhū tesaṃ manussānaṃ ujjhāyantānaṃ khīyantānaṃ vipācentānaṃ . athakho te bhikkhū bhagavato etamatthaṃ ārocesuṃ . Na bhikkhave dhajabaddho coro pabbājetabbo yo pabbājeyya āpatti dukkaṭassāti.