[1332] Vipākaṃ dhammaṃ paccayā vipāko dhammo uppajjati nissayapaccayā . sahajātasadisaṃ . upanissayapaccayā purejātapaccayā vipākaṃ ekaṃ khandhaṃ paccayā tayo khandhā dve khandhe paccayā dve khandhā vatthuṃ purejātapaccayā. Anantarasadisaṃ. Saṅkhittaṃ.

[1333] Vipākadhammadhammaṃ paccayā vipākadhammadhammo uppajjati āsevanapaccayā vipākadhammadhammaṃ ekaṃ khandhaṃ paccayā tayo khandhā tayo khandhe paccayā eko khandho dve khandhe paccayā dve khandhā.

[1334] Nevavipākanavipākadhammadhammaṃ paccayā nevavipākanavipākadhammadhammo uppajjati āsevanapaccayā nevavipākanavipākadhammadhammaṃ ekaṃ khandhaṃ paccayā .pe. vatthuṃ paccayā nevavipākanavipākadhammadhammā khandhā . nevavipākanavipākadhammadhammaṃ paccayā vipākadhammadhammo uppajjati āsevanapaccayā vatthuṃ paccayā vipākadhammadhammā khandhā.

[1335] Vipākadhammadhammañca nevavipākanavipākadhammadhammañca Dhammaṃ paccayā vipākadhammadhammo uppajjati āsevanapaccayā vipākadhammadhammaṃ ekaṃ khandhañca vatthuñca paccayā tayo khandhā tayo khandhe ca vatthuñca paccayā eko khandho dve khandhe ca vatthuñca paccayā dve khandhā.