[1340] Vipākaṃ dhammaṃ paccayā vipāko dhammo uppajjati nahetupaccayā ahetukaṃ vipākaṃ ekaṃ khandhaṃ paccayā tīṇi . Vipākadhammadhammaṃ paccayā vipākadhammadhammo uppajjati nahetupaccayā vicikicchāsahagate uddhaccasahagate khandhe paccayā vicikicchāsahagato uddhaccasahagato moho . nevavipākanavipākadhammadhammaṃ paccayā nevavipākanavipākadhammadhammo uppajjati nahetupaccayā ahetukaṃ nevavipākanavipākadhammadhammaṃ ekaṃ khandhaṃ paccayā. {1340.1} Nevavipākanavipākadhammadhammaṃ paccayā vipāko dhammo uppajjati nahetupaccayā cakkhāyatanaṃ paccayā cakkhuviññāṇaṃ .pe. Nevavipākanavipākadhammadhammaṃ paccayā vipākadhammadhammo uppajjati nahetupaccayā vatthuṃ paccayā vicikicchāsahagato uddhaccasahagato moho. {1340.2} Nevavipākanavipākadhammadhammaṃ paccayā vipāko ca nevavipākanavipākadhammadhammo ca dhammā uppajjanti nahetupaccayā vatthuṃ paccayā ahetukā vipākā khandhā mahābhūte paccayā cittasamuṭṭhānaṃ rūpaṃ ahetukapaṭisandhikkhaṇe ... . vipākañca Nevavipākanavipākadhammadhammañca dhammaṃ paccayā vipāko dhammo uppajjati ... nevavipākanavipākadhammadhammo uppajjati ... vipāko ca nevavipākanavipākadhammadhammo ca dhammā uppajjanti nahetupaccayā. {1340.3} Vipākadhammadhammañca nevavipākanavipākadhammadhammañca dhammaṃ paccayā vipākadhammadhammo uppajjati nahetupaccayā vicikicchāsahagate uddhaccasahagate khandhe ca vatthuñca paccayā vicikicchāsahagato uddhaccasahagato moho . vipākaṃ dhammaṃ paccayā nevavipākanavipākadhammadhammo uppajjati naārammaṇapaccayā . saṅkhittaṃ . sabbāni padāni vitthāretabbāni.

[1341] Nahetuyā dvādasa naārammaṇe pañca naadhipatiyā sattarasa naanantare pañca nasamanantare pañca naaññamaññe pañca naupanissaye pañca napurejāte dvādasa napacchājāte sattarasa naāsevane sattarasa nakamme cattāri navipāke nava naāhāre ekaṃ naindriye ekaṃ najhāne cattāri namagge nava nasampayutte pañca navippayutte tīṇi nonatthiyā pañca novigate pañca.