[1421] Anupādinnaanupādāniyañca anupādinnupādāniyañca dhammaṃ paṭicca anupādinnupādāniyo dhammo uppajjati hetupaccayā anupādinnaanupādāniye khandhe ca mahābhūte ca paṭicca cittasamuṭṭhānaṃ rūpaṃ.

[1422] Upādinnupādāniyañca anupādinnupādāniyañca dhammaṃ Paṭicca anupādinnupādāniyo dhammo uppajjati hetupaccayā upādinnupādāniye khandhe ca mahābhūte ca paṭicca cittasamuṭṭhānaṃ rūpaṃ.

[1423] Upādinnupādāniyaṃ dhammaṃ paṭicca upādinnupādāniyo dhammo uppajjati ārammaṇapaccayā upādinnupādāniyaṃ ekaṃ khandhaṃ paṭicca ... paṭisandhikkhaṇe ... . anupādinnupādāniyaṃ dhammaṃ paṭicca. Anupādinnaanupādāniyaṃ dhammaṃ paṭicca . ārammaṇapaccayā tīṇi pañhā.

[1424] Anupādinnupādāniyaṃ dhammaṃ paṭicca anupādinnupādāniyo dhammo uppajjati adhipatipaccayā anupādinnupādāniyaṃ ekaṃ khandhaṃ paṭicca tayo khandhā cittasamuṭṭhānañca rūpaṃ ekaṃ mahābhūtaṃ paṭicca ... Mahābhūte paṭicca cittasamuṭṭhānaṃ rūpaṃ upādārūpaṃ . Anupādinnaanupādāniyaṃ dhammaṃ paṭicca tīṇi . anupādinnupādāniyañca anupādinnaanupādāniyañca dhammaṃ paṭicca anupādinnupādāniyo dhammo uppajjati adhipatipaccayā anupādinnaanupādāniye khandhe ca mahābhūte ca paṭicca cittasamuṭṭhānaṃ rūpaṃ.