[1429] Anupādinnupādāniyaṃ dhammaṃ paṭicca anupādinnupādāniyo dhammo uppajjati āsevanapaccayā anupādinnupādāniyaṃ ekaṃ khandhaṃ paṭicca . anupādinnaanupādāniyaṃ dhammaṃ paṭicca anupādinnaanupādāniyo dhammo uppajjati āsevanapaccayā anupādinnaanupādāniyaṃ ekaṃ khandhaṃ paṭicca.

[1430] Upādinnupādāniyaṃ dhammaṃ paṭicca upādinnupādāniyo dhammo uppajjati kammapaccayā. Hetupaccayasadisā nava pañhā.

[1431] Upādinnupādāniyaṃ dhammaṃ paṭicca upādinnupādāniyo dhammo uppajjati vipākapaccayā tīṇi . anupādinnupādāniyaṃ dhammaṃ paṭicca anupādinnupādāniyo dhammo uppajjati vipākapaccayā ekaṃ mahābhūtaṃ paṭicca ... mahābhūtā paṭicca cittasamuṭṭhānaṃ rūpaṃ upādārūpaṃ . anupādinnaanupādāniyaṃ dhammaṃ paṭicca anupādinnaanupādāniyo dhammo uppajjati vipākapaccayā vipākaṃ anupādinnaanupādāniyaṃ ekaṃ khandhaṃ paṭicca tayo khandhā. Nava pañhā.

[1432] Upādinnupādāniyaṃ dhammaṃ paṭicca upādinnupādāniyo dhammo uppajjati āhārapaccayā .pe. indriyapaccayā jhānapaccayā maggapaccayā sampayuttapaccayā vippayuttapaccayā atthipaccayā natthipaccayā vigatapaccayā avigatapaccayā. Yathā kusalattikassa paṭiccavāro sajjhāyamaggena vitthārito evaṃ vitthāretabbaṃ.