[1447] Upādinnupādāniyaṃ dhammaṃ paṭicca upādinnupādāniyo dhammo uppajjati namaggapaccayā ahetukaṃ upādinnupādāniyaṃ ekaṃ khandhaṃ paṭicca tayo khandhā. Pañca pañhā.

[1448] Upādinnupādāniyaṃ dhammaṃ paṭicca upādinnupādāniyo dhammo uppajjati nasampayuttapaccayā. Naārammaṇapaccayasadisaṃ.

[1449] Upādinnupādāniyaṃ dhammaṃ paṭicca upādinnupādāniyo dhammo uppajjati navippayuttapaccayā āruppe upādinnupādāniyaṃ ekaṃ khandhaṃ paṭicca tayo khandhā asaññasattānaṃ ekaṃ mahābhūtaṃ paṭicca . anupādinnupādāniyaṃ dhammaṃ paṭicca anupādinnupādāniyo dhammo uppajjati navippayuttapaccayā āruppe anupādinnupādāniyaṃ ekaṃ khandhaṃ paṭicca tayo khandhā bāhiraṃ ... āhārasamuṭṭhānaṃ ... Utusamuṭṭhānaṃ ekaṃ mahābhūtaṃ paṭicca . anupādinnaanupādāniyaṃ dhammaṃ paṭicca anupādinnaanupādāniyo dhammo uppajjati navippayuttapaccayā āruppe anupādinnaanupādāniyaṃ ekaṃ khandhaṃ paṭicca tayo khandhā dve khandhe paṭicca dve khandhā.

[1450] Upādinnupādāniyaṃ dhammaṃ paṭicca upādinnupādāniyo dhammo uppajjati nonatthipaccayā ... novigatapaccayā . yathā Kusalattike paccanīyavāro vitthārito evaṃ vitthāretabbo.