[1461] Hetupaccayā ārammaṇe satta. Saṅkhittaṃ. ... Avigate ekādasa. Yathā kusalattike gaṇanā evaṃ gaṇetabbā. Anulomaṃ.

[1462] Upādinnupādāniyaṃ dhammaṃ paccayā upādinnupādāniyo dhammo uppajjati nahetupaccayā ahetukaṃ upādinnupādāniyaṃ ekaṃ khandhaṃ paccayā ... ahetukapaṭisandhikkhaṇe ... Asaññasattānaṃ ekaṃ mahābhūtaṃ ... cakkhāyatanaṃ paccayā cakkhuviññāṇaṃ kāyāyatanaṃ paccayā kāyaviññāṇaṃ vatthuṃ paccayā ahetukā upādinnupādāniyā khandhā. {1462.1} Upādinnupādāniyaṃ dhammaṃ paccayā anupādinnupādāniyo dhammo uppajjati nahetupaccayā ahetuke upādinnupādāniye khandhe paccayā cittasamuṭṭhānaṃ rūpaṃ vatthuṃ paccayā ahetukā anupādinnupādāniyā khandhā vatthuṃ paccayā vicikicchāsahagato uddhaccasahagato moho. {1462.2} Upādinnupādāniyaṃ dhammaṃ paccayā upādinnupādāniyo ca anupādinnupādāniyo ca dhammā uppajjanti nahetupaccayā ahetukaṃ upa dinnupādāniyaṃ ekaṃ khandhaṃ paccayā tayo khandhā cittasamuṭṭhānañca rūpaṃ. {1462.3} Anupādinnupādāniyaṃ dhammaṃ paccayā anupādinnupādāniyo dhammo uppajjati nahetupaccayā ahetukaṃ anupādinnupādāniyaṃ ekaṃ khandhaṃ paccayā tayo khandhā cittasamuṭṭhānañca rūpaṃ .pe. bāhiraṃ ... Āhārasamuṭṭhānaṃ ... utusamuṭṭhānaṃ ... ekaṃ mahābhūtaṃ .pe. rūpaṃ vicikicchāsahagate uddhaccasahagate khandhe paccayā vicikicchāsahagato uddhaccasahagato moho. {1462.4} Upādinnupādāniyañca anupādinnupādāniyañca dhammaṃ paccayā anupādinnupādāniyo dhammo uppajjati nahetupaccayā ahetuke upādinnupādāniye khandhe ca mahābhūte ca paccayā cittasamuṭṭhānaṃ Rūpaṃ ahetukaṃ anupādinnupādāniyaṃ ekaṃ khandhañca vatthuñca paccayā tayo khandhā dve khandhe ca vatthuñca paccayā dve khandhā vicikicchāsahagate uddhaccasahagate khandhe ca vatthuñca paccayā vicikicchāsahagato uddhaccasahagato moho.

[1463] Upādinnupādāniyaṃ dhammaṃ paccayā upādinnupādāniyo dhammo uppajjati naārammaṇapaccayā . saṅkhittaṃ . ... Naadhipatipaccayā upādinnupādāniyaṃ ekaṃ khandhaṃ paccayā. {1463.1} Upādinnupādāniyaṃ dhammaṃ paccayā anupādinnupādāniyo dhammo uppajjati naadhipatipaccayā upādinnupādāniye khandhe paccayā cittasamuṭṭhānaṃ rūpaṃ vatthuṃ paccayā anupādinnupādāniyā khandhā. {1463.2} Upādinnupādāniyaṃ dhammaṃ paccayā anupādinnaanupādāniyo dhammo uppajjati naadhipatipaccayā vatthuṃ paccayā anupādinnaanupādāniyā adhipati. {1463.3} Anupādinnupādāniyaṃ paccayā anupādinnupādāniyo ca anupādinnupādāniyo ca dhammā uppajjanti naadhipatipaccayā upādinnupādāniyaṃ ekaṃ khandhaṃ paccayā tayo khandhā cittasamuṭṭhānañca rūpaṃ .pe. anupādinnupādāniyaṃ dhammaṃ paccayā . ekā pañhā . Anupādinnaanupādāniyaṃ dhammaṃ paccayā anupādinnaanupādāniyo dhammo uppajjati naadhipatipaccayā anupādinnaanupādāniye khandhe paccayā anupādinnaanupādāniyā adhipati.