[1499] Anupādinnaanupādāniyo dhammo upādinnupādāniyassa dhammassa anantarapaccayena paccayo phalaṃ vuṭṭhānassa anantarapaccayena paccayo . upādinnupādāniyo dhammo upādinnupādāniyassa dhammassa samanantarapaccayena paccayo. Anantarapaccayasadisaṃ.

[1500] Upādinnupādāniyo dhammo upādinnupādāniyassa dhammassa sahajātapaccayena paccayo upādinnupādāniyo eko khandho tiṇṇannaṃ khandhānaṃ sahajātapaccayena paccayo dve khandhā dvinnaṃ khandhānaṃ paṭisandhikkhaṇe upādinnupādāniyo eko khandho tiṇṇannaṃ khandhānaṃ kaṭattā ca rūpānaṃ sahajātapaccayena paccayo dve khandhā dvinnaṃ khandhānaṃ kaṭattā ca rūpānaṃ khandhā vatthussa vatthu khandhānaṃ ekaṃ mahābhūtaṃ tiṇṇannaṃ mahābhūtānaṃ tayo mahābhūtā ekassa Mahābhūtassa dve mahābhūtā dvinnaṃ mahābhūtānaṃ mahābhūtā kaṭattārūpānaṃ upādārūpānaṃ sahajātapaccayena paccayo asaññasattānaṃ ekaṃ mahābhūtaṃ. Saṅkhittaṃ.

[1501] Upādinnupādāniyo dhammo anupādinnupādāniyassa dhammassa sahajātapaccayena paccayo upādinnupādāniyā khandhā cittasamuṭṭhānānaṃ rūpānaṃ sahajātapaccayena paccayo.

[1502] Upādinnupādāniyo dhammo upādinnupādāniyassa ca anupādinnupādāniyassa ca dhammassa sahajātapaccayena paccayo upādinnupādāniyo eko khandho tiṇṇannaṃ khandhānaṃ cittasamuṭṭhānānañca rūpānaṃ sahajātapaccayena paccayo dve khandhā dvinnaṃ khandhānaṃ cittasamuṭṭhānānañca rūpānaṃ sahajātapaccayena paccayo.