[1503] Anupādinnupādāniyo dhammo anupādinnupādāniyassa dhammassa sajātapaccayena paccayo anupādinnupādāniyo eko khandho tiṇṇannaṃ khandhānaṃ cittasamuṭṭhānānañca rūpānaṃ sahajātapaccayena paccayo dve khandhā dvinnaṃ khandhānaṃ cittasamuṭṭhānānañca rūpānaṃ sahajātapaccayena paccayo anupādinnupādāniyaṃ ekaṃ mahābhūtaṃ mahābhūtā cittasamuṭṭhānānaṃ rūpānaṃ bāhiraṃ ... āhārasamuṭṭhānaṃ ... Utusamuṭṭhānaṃ ekaṃ mahābhūtaṃ mahābhūtā upādārūpānaṃ sahajātapaccayena paccayo.

[1504] Anupādinnaanupādāniyo dhammo anupādinnaanupādāniyassa Dhammassa sahajātapaccayena paccayo anupādinnaanupādāniyo eko khandho tiṇṇannaṃ khandhānaṃ dve khandhā dvinnaṃ khandhānaṃ sahajātapaccayena paccayo.

[1505] Anupādinnaanupādāniyo dhammo anupādinnupādāniyassa dhammassa sahajātapaccayena paccayo anupādinnaanupādāniyā khandhā cittasamuṭṭhānānaṃ rūpānaṃ sahajātapaccayena paccayo.

[1506] Anupādinnaanupādāniyo dhammo anupādinnupādāniyassa ca anupādinnaanupādāniyassa ca dhammassa sahajātapaccayena paccayo anupādinnaanupādāniyo eko khandho tiṇṇannaṃ khandhānaṃ cittasamuṭṭhānānañca rūpānaṃ sahajātapaccayena paccayo dve khandhā dvinnaṃ khandhānaṃ cittasamuṭṭhānānañca rūpānaṃ sahajātapaccayena paccayo.