[1515] Upādinnupādāniyo dhammo upādinnupādāniyassa ca anupādinnupādāniyassa ca dhammassa nissayapaccayena paccayo upādinnupādāniyo eko khandho tiṇṇannaṃ khandhānaṃ cittasamuṭṭhānānañca rūpānaṃ nissayapaccayena paccayo dve khandhā dvinnaṃ khandhānaṃ cittasamuṭṭhānānañca rūpānaṃ nissayapaccayena paccayo.

[1516] Anupādinnupādāniyo dhammo anupādinnupādāniyassa dhammassa ekā pañhā. Anupādinnaanupādāniyo dhammo tīṇi.

[1517] Upādinnupādāniyo ca anupādinnaanupādāniyo ca dhammā anupādinnaanupādāniyassa dhammassa nissayapaccayena paccayo . Anupādinnaanupādāniyo eko khandho ca vatthu ca tiṇṇannaṃ khandhānaṃ nissayapaccayena paccayo dve khandhā ca vatthu ca dvinnaṃ khandhānaṃ nissayapaccayena paccayo.

[1518] Anupādinnupādāniyo ca anupādinnaanupādāniyo ca Dhammā anupādinnupādāniyassa dhammassa nissayapaccayena paccayo anupādinnaanupādāniyā khandhā ca mahābhūtā ca cittasamuṭṭhānānaṃ rūpānaṃ nissayapaccayena paccayo.