[1523] Anupādinnupādāniyo dhammo anupādinnupādāniyassa dhammassa upanissayapaccayena paccayo ārammaṇūpanissayo anantarūpanissayo pakatūpanissayo . pakatūpanissayo: anupādinnupādāniyaṃ saddhaṃ upanissāya dānaṃ deti sīlaṃ samādiyati uposathakammaṃ karoti jhānaṃ uppādeti vipassanaṃ uppādeti abhiññaṃ uppādeti samāpattiṃ uppādeti pāṇaṃ hanati saṅghaṃ bhindati mānaṃ jappeti diṭṭhiṃ gaṇhāti anupādinnupādāniyaṃ sīlaṃ ... sutaṃ cāgaṃ paññaṃ rāgaṃ dosaṃ mohaṃ Mānaṃ diṭṭhiṃ patthanaṃ utuṃ bhojanaṃ ... senāsanaṃ upanissāya dānaṃ deti samāpattiṃ uppādeti pāṇaṃ hanati saṅghaṃ bhindati mānaṃ jappeti diṭṭhiṃ gaṇhāti anupādinnupādāniyā saddhā ... sīlaṃ sutaṃ cāgo paññā rāgo doso moho māno diṭṭhi patthanā utu bhojanaṃ ... Senāsanaṃ anupādinnupādāniyāya saddhāya ... sīlassa sutassa cāgassa paññāya rāgassa dosassa mohassa mānassa diṭṭhiyā ... patthanāya upanissayapaccayena paccayo paṭhamassa jhānassa parikammaṃ paṭhamassa jhānassa nevasaññānāsaññāyatanassa parikammaṃ nevasaññānāsaññāyatanassa paṭhamaṃ jhānaṃ dutiyassa ākiñcaññāyatanaṃ nevasaññānāsaññāyatanassa pāṇātipāto pāṇātipātassa niyatamicchādiṭṭhi niyatamicchādiṭṭhiyā.

[1524] Anupādinnupādāniyo dhammo upādinnupādāniyassa dhammassa upanissayapaccayena paccayo anantarūpanissayo pakatūpanissayo . Pakatūpanissayo: anupādinnupādāniyaṃ saddhaṃ upanissāya attānaṃ ātāpeti paritāpeti pariyiṭṭhimūlakaṃ dukkhaṃ paccanubhoti anupādinnupādāniyaṃ sīlaṃ ... . saṅkhittaṃ . ... Senāsanaṃ upanissāya attānaṃ ātāpeti paritāpeti pariyiṭṭhimūlakaṃ dukkhaṃ paccanubhoti anupādinnupādāniyā saddhā ... . Saṅkhittaṃ. Senāsanaṃ kāyikassa sukhassa kāyikassa dukkhassa upanissayapaccayena paccayo kusalākusalaṃ kammaṃ vipākassa upanissayapaccayena paccayo.

[1525] Anupādinnupādāniyo dhammo anupādinnaanupādāniyassa dhammassa upanissayapaccayena paccayo anantarūpanissayo pakatūpanissayo . Pakatūpanissayo: paṭhamassa maggassa parikammaṃ paṭhamassa maggassa upanissayapaccayena paccayo dutiyassa maggassa tatiyassa maggassa catutthassa maggassa parikammaṃ catutthassa maggassa upanissayapaccayena paccayo.