[1608] Upādinnupādāniyo dhammo anupādinnaanupādāniyassa dhammassa atthipaccayena paccayo purejātaṃ: vatthu anupādinnaanupādāniyānaṃ khandhānaṃ atthipaccayena paccayo.

[1609] Upādinnupādāniyo dhammo upādinnupādāniyassa ca anupādinnupādāniyassa ca dhammassa atthipaccayena paccayo sahajātaṃ pacchājātaṃ āhāraṃ . sahajāto: upādinnupādāniyo eko khandho tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo dve khandhā dvinnaṃ khandhānaṃ cittasamuṭṭhānānañca rūpānaṃ atthipaccayena paccayo . pacchājātā: upādinnupādāniyā khandhā purejātassa imassa upādinnupādāniyassa ca anupādinnupādāniyassa ca kāyassa atthipaccayena paccayo . upādinnupādāniyo kabaḷiṃkāro āhāro upādinnupādāniyassa ca anupādinnupādāniyassa ca kāyassa atthipaccayena paccayo.

[1610] Anupādinnupādāniyo dhammo anupādinnupādāniyassa dhammassa atthipaccayena paccayo sahajātaṃ purejātaṃ pacchājātaṃ āhāraṃ . sahajāto: anupādinnupādāniyo eko khandho tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo dve khandhā dvinnaṃ khandhānaṃ cittasamuṭṭhānānañca rūpānaṃ atthipaccayena paccayo ekaṃ mahābhūtaṃ tiṇṇannaṃ mahābhūtānaṃ mahābhūtā cittasamuṭṭhānānaṃ rūpānaṃ upādārūpānaṃ atthipaccayena paccayo bāhiraṃ ... Āhārasamuṭṭhānaṃ ... Utusamuṭṭhānaṃ ekaṃ mahābhūtaṃ. {1610.1} Purejātaṃ: anupādinnupādāniye rūpe ... Sadde gandhe rase ... phoṭṭhabbe aniccato dukkhato anattato vipassati assādeti abhinandati taṃ ārabbha rāgo uppajjati domanassaṃ uppajjati dibbena cakkhunā anupādinnupādāniyaṃ rūpaṃ passati dibbāya sotadhātuyā saddaṃ suṇāti . pacchājātā: anupādinnupādāniyā khandhā purejātassa imassa anupādinnupādāniyassa kāyassa atthipaccayena paccayo . Anupādinnupādāniyo kabaḷiṃkāro āhāro anupādinnupādāniyassa kāyassa atthipaccayena paccayo.

[1611] Anupādinnupādāniyo dhammo upādinnupādāniyassa dhammassa atthipaccayena paccayo purejātaṃ pacchājātaṃ āhāraṃ . Purejātaṃ: anupādinnupādāniye rūpe ... sadde gandhe rase ... Phoṭṭhabbe aniccato dukkhato anattato vipassati assādeti abhinandati taṃ ārabbha rāgo uppajjati domanassaṃ uppajjati kusalākusale niruddhe vipāko tadārammaṇatā uppajjati anupādinnupādāniyaṃ rūpāyatanaṃ cakkhuviññāṇassa phoṭṭhabbāyatanaṃ kāyaviññāṇassa atthipaccayena paccayo . pacchājātā: anupādinnupādāniyā khandhā purejātassa imassa upādinnupādāniyassa kāyassa atthipaccayena paccayo . anupādinnupādāniyo kabaḷiṃkāro āhāro upādinnupādāniyassa kāyassa atthipaccayena paccayo.