[1624] Anupādinnupādāniyo ca anupādinnaanupādāniyo ca dhammā upādinnupādāniyassa ca anupādinnupādāniyassa ca dhammassa atthipaccayena paccayo pacchājātaṃ āhāraṃ . pacchājātā: anupādinnaanupādāniyā khandhā ca anupādinnupādāniyo kabaḷiṃkāro Āhāro ca upādinnupādāniyassa ca anupādinnupādāniyassa ca kāyassa atthipaccayena paccayo.

[1625] Upādinnupādāniyo ca anupādinnupādāniyo ca dhammā upādinnupādāniyassa dhammassa atthipaccayena paccayo purejātaṃ pacchājātaṃ āhāraṃ indriyaṃ . purejātaṃ: anupādinnupādāniyaṃ rūpāyatanañca cakkhāyatanañca cakkhuviññāṇassa atthipaccayena paccayo . Saṅkhittaṃ . anupādinnupādāniyaṃ phoṭṭhabbāyatanañca kāyāyatanañca kāyaviññāṇassa atthipaccayena paccayo anupādinnupādāniyaṃ rūpāyatanañca vatthu ca upādinnupādāniyānaṃ khandhānaṃ. {1625.1} Saṅkhittaṃ . anupādinnupādāniyaṃ phoṭṭhabbāyatanañca vatthu ca upādinnupādāniyānaṃ khandhānaṃ atthipaccayena paccayo . Pacchājātā: upādinnupādāniyā khandhā ca anupādinnupādāniyo kabaḷiṃkāro āhāro ca upādinnupādāniyassa kāyassa atthipaccayena paccayo upādinnupādāniyo ca anupādinnupādāniyo ca kabaḷiṃkāro āhāro upādinnupādāniyassa kāyassa atthipaccayena paccayo . Pacchājātā: anupādinnupādāniyā khandhā ca rūpajīvitindriyañca kaṭattārūpānaṃ atthipaccayena paccayo.

[1626] Upādinnupādāniyo ca anupādinnupādāniyo ca dhammā anupādinnupādāniyassa dhammassa atthipaccayena paccayo sahajātaṃ purejātaṃ pacchājātaṃ āhāraṃ . sahajātā: upādinnupādāniyā khandhā Ca mahābhūtā ca cittasamuṭṭhānānaṃ rūpānaṃ atthipaccayena paccayo . Purejātaṃ: anupādinnupādāniyaṃ rūpāyatanañca vatthu ca anupādinnupādāniyānaṃ khandhānaṃ . saṅkhittaṃ . anupādinnupādāniyaṃ phoṭṭhabbāyatanañca vatthu ca anupādinnupādāniyānaṃ khandhānaṃ atthipaccayena paccayo . pacchājātā: upādinnupādāniyā khandhā ca anupādinnupādāniyo kabaḷiṃkāro āhāro ca anupādinnupādāniyassa kāyassa atthipaccayena paccayo upādinnupādāniyo ca anupādinnupādāniyo ca kabaḷiṃkāro āhāro anupādinnupādāniyassa kāyassa atthipaccayena paccayo.