[1627] Upādinnupādāniyo ca anupādinnupādāniyo ca dhammā upādinnupādāniyassa ca anupādinnupādāniyassa ca dhammassa atthipaccayena paccayo āhāraṃ: anupādinnupādāniyo ca anupādinnupādāniyo ca kabaḷiṃkāro āhāro upādinnupādāniyassa ca anupādinnupādāniyassa ca kāyassa atthipaccayena paccayo.

[1628] Anupādinnupādāniyo ca anupādinnupādāniyo ca anupādinnaanupādāniyo ca dhammā upādinnupādāniyassa dhammassa atthipaccayena paccayo pacchājātaṃ āhāraṃ indriyaṃ . pacchājātā: anupādinnaanupādāniyā khandhā ca anupādinnupādāniyo kabaḷiṃkāro āhāro ca rūpajīvitindriyañca kaṭattārūpānaṃ atthipaccayena paccayo.

[1629] Upādinnupādāniyo dhammo upādinnupādāniyassa Dhammassa natthipaccayena paccayo ... vigatapaccayena paccayo ... Avigatapaccayena paccayo. Saṅkhittaṃ.

[1630] Hetuyā satta ārammaṇe cha adhipatiyā pañca anantare satta samanantare satta sahajāte nava aññamaññe tīṇi nissaye ekādasa upanisaye nava purejāte satta pacchājāte nava āsevane dve kamme aṭṭha vipāke cha āhāre dvādasa indriye satta jhāne satta magge satta sampayutte tīṇi vippayutte dasa atthiyā tevīsa natthiyā satta vigate satta avigate tevīsa.