[1631] Hetupaccayā adhipatiyā cattāri ... sahajāte satta aññamaññe tīṇi nissaye satta vipāke cha indriye satta magge satta sampayutte tīṇi vippayutte cattāri atthiyā satta avigate satta. Saṅkhittaṃ yathā kusalattikassa gaṇanā sajjhāyamaggena gaṇitā evaṃ gaṇetabbā. Kusalattikassa gaṇanato upādinnattike gaṇanā gambhīrā sukhumatarā ca evaṃ kātūna asammohantena gaṇetabbaṃ. Anulomaṃ.

[1632] Upādinnupādāniyo dhammo upādinnupādāniyassa dhammassa ārammaṇapaccayena paccayo ... sahajātapaccayena paccayo ... Upanissayapaccayena paccayo ... purejātapaccayena paccayo ... pacchājātapaccayena paccayo ... āhārapaccayena paccayo ... Indriyapaccayena paccayo.

[1633] Upādinnupādāniyo dhammo anupādinnupādāniyassa dhammassa ārammaṇapaccayena paccayo ... sahajātapaccayena paccayo ... upanissayapaccayena paccayo ... purejātapaccayena paccayo ... Pacchājātapaccayena paccayo ... Āhārapaccayena paccayo.

[1634] Upādinnupādāniyo dhammo anupādinnaanupādāniyassa dhammassa upanissayapaccayena paccayo ... Purejātapaccayena paccayo.