[1203] Sekkhaṃ dhammaṃ paccayā sekkho dhammo uppajjati hetupaccayā tīṇi paṭiccavārasadisaṃ . asekkhaṃ dhammaṃ paccayā asekkho ... Hetupaccayā tīṇi paṭiccavārasadisaṃ.

[1204] Nevasekkhānāsekkhaṃ dhammaṃ paccayā nevasekkhānāsekkho ... hetupaccayā paripuṇṇaṃ mahābhūte paccayā cittasamuṭṭhānaṃ rūpaṃ kaṭattārūpaṃ upādārūpaṃ vatthuṃ paccayā nevasekkhānāsekkhā khandhā . Nevasekkhānāsekkhaṃ dhammaṃ paccayā sekkho dhammo uppajjati hetupaccayā vatthuṃ paccayā sekkhā khandhā . nevasekkhānāsekkhaṃ dhammaṃ paccayā asekkho dhammo uppajjati hetupaccayā vatthuṃ paccayā asekkhā khandhā . nevasekkhānāsekkhaṃ dhammaṃ paccayā sekkho ca Nevasekkhānāsekkho ca dhammā uppajjanti hetupaccayā vatthuṃ paccayā sekkhā khandhā mahābhūte paccayā cittasamuṭṭhānaṃ rūpaṃ . Nevasekkhānāsekkhaṃ dhammaṃ paccayā asekkho ca nevasekkhānāsekkho ca dhammā uppajjanti hetupaccayā vatthuṃ paccayā asekkhā khandhā mahābhūte paccayā cittasamuṭṭhānaṃ rūpaṃ.

[1205] Sekkhañca nevasekkhānāsekkhañca dhammaṃ paccayā sekkho dhammo uppajjati hetupaccayā sekkhaṃ ekaṃ khandhañca vatthuñca paccayā tayo khandhā dve khandhe .... Sekkhañca nevasekkhānāsekkhañca dhammaṃ paccayā nevasekkhānāsekkho dhammo uppajjati hetupaccayā sekkhe khandhe ca mahābhūte ca paccayā cittasamuṭṭhānaṃ rūpaṃ . sekkhañca nevasekkhānāsekkhañca dhammaṃ paccayā sekkho ca nevasekkhānāsekkho ca dhammā uppajjanti hetupaccayā sekkhaṃ ekaṃ khandhañca vatthuñca paccayā tayo khandhā dve khandhe ... sekkhe khandhe ca mahābhūte ca paccayā cittasamuṭṭhānaṃ rūpaṃ . asekkhañca nevasekkhānāsekkhañca dhammaṃ paccayā ... Tīṇi sekkhasadisā.

[1206] Sekkhaṃ dhammaṃ paccayā sekkho dhammo uppajjati ārammaṇapaccayā ekaṃ . asekkhaṃ dhammaṃ paccayā ... ekaṃ . Nevasekkhānāsekkhaṃ dhammaṃ paccayā ... ekaṃ vatthuṃ paccayā nevasekkhānāsekkhā khandhā cakkhāyatanaṃ paccayā cakkhuviññāṇaṃ kāyāyatanaṃ paccayā kāyaviññāṇaṃ vatthuṃ paccayā nevasekkhānāsekkhā khandhā . Nevasekkhānāsekkhaṃ dhammaṃ paccayā sekkho dhammo ... Ārammaṇapaccayā vatthuṃ paccayā sekkhā khandhā . nevasekkhānāsekkhaṃ dhammaṃ paccayā asekkho dhammo ... ārammaṇapaccayā vatthuṃ paccayā asekkhā khandhā.