[1224] Sekkhaṃ dhammaṃ saṃsaṭṭho sekkho dhammo uppajjati hetupaccayā Sekkhaṃ ekaṃ khandhaṃ saṃsaṭṭhā tayo khandhā dve khandhe ... . Asekkhaṃ dhammaṃ saṃsaṭṭho asekkho dhammo ... hetupaccayā asekkhaṃ ekaṃ khandhaṃ saṃsaṭṭhā tayo khandhā dve khandhe .... Nevasekkhānāsekkhaṃ dhammaṃ saṃsaṭṭho nevasekkhānāsekkho dhammo ... hetupaccayā nevasekkhānāsekkhaṃ ekaṃ khandhaṃ saṃsaṭṭhā tayo khandhā dve khandhe ... Paṭisandhikkhaṇe ....

[1225] Sekkhaṃ dhammaṃ saṃsaṭṭho sekkho dhammo uppajjati ārammaṇapaccayā adhipatipaccayā . saṅkhittaṃ . purejātapaccayā āsevanapaccayā dve kātabbā .pe. Avigatapaccayā.

[1226] Hetuyā tīṇi ārammaṇe tīṇi adhipatiyā tīṇi anantare samanantare sahajāte aññamaññe nissaye upanissaye purejāte tīṇi āsevane dve kamme tīṇi. Saṅkhittaṃ. Avigate tīṇi. Evaṃ gaṇetabbaṃ. Anulomaṃ.

[1227] Nevasekkhānāsekkhaṃ dhammaṃ saṃsaṭṭho nevasekkhānāsekkho dhammo uppajjati nahetupaccayā ahetukaṃ nevasekkhānāsekkhaṃ ekaṃ khandhaṃ saṃsaṭṭhā tayo khandhā dve khandhe ... ahetukapaṭisandhikkhaṇe vicikicchāsahagate addhaccasahagate khandhe saṃsaṭṭho vicikicchāsahagato uddhaccasahagato moho.