[1321] Parittaṃ dhammaṃ paṭicca paritto dhammo uppajjati hetupaccayā parittaṃ ekaṃ khandhaṃ paṭicca tayo khandhā cittasamuṭṭhānañca rūpaṃ dve khandhe ... paṭisandhikkhaṇe parittaṃ ekaṃ khandhaṃ paṭicca tayo khandhā kaṭattā ca rūpaṃ dve khandhe ... Khandhe paṭicca vatthu vatthuṃ paṭicca khandhā ekaṃ mahābhūtaṃ paṭicca tayo mahābhūtā dve mahābhūte paṭicca cittasamuṭṭhānaṃ rūpaṃ . Parittaṃ dhammaṃ paṭicca mahaggato dhammo uppajjati hetupaccayā paṭisandhikkhaṇe vatthuṃ paṭicca mahaggatā khandhā . parittaṃ dhammaṃ paṭicca paritto ca mahaggato ca dhammā uppajjanti hetupaccayā paṭisandhikkhaṇe vatthuṃ paṭicca mahaggatā khandhā mahābhūte paṭicca kaṭattārūpaṃ.

[1322] Mahaggataṃ dhammaṃ paṭicca mahaggato dhammo ... Hetupaccayā Mahaggataṃ ekaṃ khandhaṃ paṭicca tayo khandhā dve khandhe ... Paṭisandhikkhaṇe ... . mahaggataṃ dhammaṃ paṭicca paritto dhammo ... hetupaccayā mahaggate khandhe paṭicca cittasamuṭṭhānaṃ rūpaṃ paṭisandhikkhaṇe mahaggate khandhe paṭicca kaṭattārūpaṃ . mahaggataṃ dhammaṃ paṭicca paritto ca mahaggato ca dhammā ... hetupaccayā mahaggataṃ ekaṃ khandhaṃ paṭicca tayo khandhā cittasamuṭṭhānañca rūpaṃ paṭisandhikkhaṇe mahaggataṃ ekaṃ khandhaṃ paṭicca tayo khandhā kaṭattā ca rūpaṃ dve khandhe ....

[1323] Appamāṇaṃ dhammaṃ paṭicca appamāṇo dhammo ... Hetupaccayā appamāṇaṃ ekaṃ khandhaṃ paṭicca tayo khandhā dve khandhe .... Appamāṇaṃ dhammaṃ paṭicca paritto dhammo ... hetupaccayā appamāṇe khandhe paṭicca cittasamuṭṭhānaṃ rūpaṃ . appamāṇaṃ dhammaṃ paṭicca paritto ca appamāṇo ca dhammā ... hetupaccayā appamāṇaṃ ekaṃ khandhaṃ paṭicca tayo khandhā cittasamuṭṭhānañca rūpaṃ dve khandhe ....

[1324] Parittañca appamāṇañca dhammaṃ paṭicca paritto dhammo ... Hetupaccayā appamāṇe khandhe ca mahābhūte ca paṭicca cittasamuṭṭhānaṃ rūpaṃ.