[1650] Micchattaniyataṃ dhammaṃ paccayā micchattaniyato dhammo ... Hetupaccayā tīṇi .pe. sammattaniyataṃ dhammaṃ paccayā sammattaniyato dhammo ... Hetupaccayā tīṇi.

[1651] Aniyataṃ dhammaṃ paccayā aniyato dhammo ... Hetupaccayā aniyataṃ ekaṃ khandhaṃ paccayā tayo khandhā cittasamuṭṭhānañca rūpaṃ dve khandhe ... paṭisandhikkhaṇe khandhe paccayā vatthu vatthuṃ paccayā khandhā ekaṃ mahābhūtaṃ paccayā vatthuṃ paccayā aniyatā khandhā . Aniyataṃ dhammaṃ paccayā micchattaniyato dhammo ... hetupaccayā vatthuṃ paccayā micchattaniyatā khandhā . aniyataṃ dhammaṃ paccayā sammattaniyato dhammo ... hetupaccayā vatthuṃ paccayā sammattaniyatā khandhā . Aniyataṃ dhammaṃ paccayā micchattaniyato ca aniyato ca dhammā ... Hetupaccayā vatthuṃ paccayā micchattaniyatā khandhā mahābhūte paccayā cittasamuṭṭhānaṃ rūpaṃ . aniyataṃ dhammaṃ paccayā sammattaniyato ca aniyato ca dhammā ... hetupaccayā vatthuṃ paccayā sammattaniyatā khandhā mahābhūte paccayā cittasamuṭṭhānaṃ rūpaṃ.

[1652] Micchattaniyatañca aniyatañca dhammaṃ paccayā micchattaniyato dhammo ... hetupaccayā micchattaniyataṃ ekaṃ khandhañca vatthuñca paccayā tayo khandhā dve khandhe ... . micchattaniyatañca aniyatañca dhammaṃ paccayā aniyato dhammo ... hetupaccayā micchattaniyate khandhe ca mahābhūte ca paccayā cittasamuṭṭhānaṃ rūpaṃ . micchattaniyatañca aniyatañca dhammaṃ paccayā micchattaniyato ca aniyato ca dhammā ... hetupaccayā micchattaniyataṃ ekaṃ khandhañca vatthuñca paccayā tayo khandhā dve khandhe ... micchattaniyate khandhe ca mahābhūte ca paccayā cittasamuṭṭhānaṃ rūpaṃ.

[1653] Sammattaniyatañca aniyatañca dhammaṃ paccayā sammattaniyato dhammo ... Hetupaccayā tīṇi pañhā micchattasadisaṃ. Evaṃ gaṇetabbaṃ.