[416] Avitakkavicāramatto ca avitakkaavicāro ca dhammā savitakkasavicārassa dhammassa atthipaccayena paccayo sahajātaṃ purejātaṃ . sahajāto: vitakko ca vatthu ca savitakkasavicārānaṃ khandhānaṃ atthipaccayena paccayo paṭisandhikkhaṇe vitakko ca vatthu ca savitakkasavicārānaṃ khandhānaṃ atthipaccayena paccayo.

[417] Avitakkavicāramatto ca avitakkaavicāro ca dhammā avitakkavicāramattassa dhammassa atthipaccayena paccayo sahajātaṃ purejātaṃ . sahajāto: avitakkavicāramatto eko khandho ca vicāro ca tiṇṇannaṃ khandhānaṃ atthipaccayena paccayo dve khandhā ca vicāro ca dvinnaṃ .pe. avitakkavicāramatto eko khandho ca vatthu ca tiṇṇannaṃ khandhānaṃ atthipaccayena paccayo dve khandhā ca vatthu ca dvinnaṃ khandhānaṃ atthipaccayena paccayo paṭisandhikkhaṇe avitakkavicāramatto eko khandho ca vicāro ca tiṇṇannaṃ khandhānaṃ atthipaccayena paccayo dve khandhā ca vicāro ca dvinnaṃ khandhānaṃ paṭisandhikkhaṇe avitakkavicāramatto eko khandho ca vatthu ca tiṇṇannaṃ khandhānaṃ dve khandhā ca vatthu ca dvinnaṃ khandhānaṃ atthipaccayena paccayo.